انا كنت وحده كسلانه بالمدرسه مدري العيب في مخي مايفهم ويستوعب او بالمدرسات وشرحهم
وصلت اول ثانوي ونسبتي ٨٣٪‏ متخيلين
يعني ثاني ثانوي فيه تراكمي ونسبة كيف ب افلح بها
كان بالاجازه اقرى بشريط قناة بداية عن الاستغفار
فيه شيء سبحان الله دلني عليه وجلست اتجهز للسنه الجديده ب الاستغفار والدعاء
بدت الدراسه والله انه استغفر وادعي ربي من كل قلبي يمكن كان هم على قلبي كيف ب انجح واجيب نسبة وبديت افكر بعد ثالث ثانوي تسجيل الجامعه كيف اقبل ونسبتي كذا و و و
كان ضغط علينا اختبارات اذاكر واحل ولافكر اجمع درجاتي لانه مضغوطين حيل بس اني استغفر انا وصديقتي و ادعي بسجودي
اخر يوم بالاختبارات النهائيه الترم الاول وزعوا النتايج وصفيت طابور وبس اشوف التفوق مع البنات واقول الله يهنيكم وادعي ربي اني اصير نفسهم
لمن نادت على اسمي لأستلام الشهاده م انسى هذي اللحضه مديت يدي وكان فوق الشهاده شعار برتقالي وكلام اناضر مب مصدقه اسمي وشهادة شكر وتقدير على حصولي بتقدير ممتاز
مو مصدقه انا اخذت ممتاز ولأول مره بحياتي اخذ تفوق
واخيرا تحقق الحلم والله العظيم انه صرخت بنات انا جبت ممتاز كان يباركون لي بس مو مصدقه الي اشوفه لك الحمدلله يارب
وتستمر دره على الاستغفار والتفوق ولله الحمد معاي وتخرجت من ثالث ثانوي بنسبة ٩٨٪‏ عاد بعد التراكمي صارت ٩٦٪‏🙊 بس انها حلوه الحمدلله 😅😍
غير كذا استمريت ولله الحمد حتى بالجامعه
وواجهت ناس كثير تسب بالتخصص وتحاول تحطمكك بداية الترم يأس مو طبيعي وكلام كثير
ربي عوضني بصديقات يغيرون حياتك بالجامعه ووالله انه الدكتورات يقولون لنا نعرف انهم قالو عنكم كذا وكذا لمن دخلتو هذا التخصص
لكن اعرفوا يابنات انه مستحيل احد يسب في تخصصك الا انه يحاول يحبطك لانك وصلت لشيء هو ماوصله
كان كلام الدكتورات جدا جميل وروعه يارب يسعدهم ويوفقهم دنيا واخره كان والله جرعات ايجابيه حذفت كل السلبي الي سمعته
ومن فضل ربي ثم الاستغفار المستوى الاول ممتاز
واستمريت ولله الحمد
تخرجت من الجامعه بمعدل عالي مع مرتبة الشرف
هذا كله من فضل ربي ثم الاستغفار والدعاء
ولا انسى دعوات امي جنتي يارب يسعدها وكمان اختي ربي يسعدها ويوفقها ما انسى نصايحها لي والحمدلله وعقبالك ياخيتو بالتفوق ومرتبة الشرف 🌹
اعطيتكم شعور مسيرتي الدراسيه ويارب عقبال كل متابعيني الله يوفقكم ويفتحها عليكم يارب وتبشروني بقصصكم مع النجاح 🌹
.

‏خير من الدنيا ومافيها:
سبحان الله،الحمدلله،لا اله الا الله،الله أكبر

اولا : شكواك للناس هذي الغيها من قاموس حياتك
ثانيا : اليأس ووساوس الشيطان هذي الغيها لاتفكرين بها دام امنياتك مافيها شرر ل احد لاتوقفين وتيأسين لاتستجيبين للشيطان
ثالثا : ايه الاستغفار بتفكيرك ٢٤ ساعه
كل م استغفرتي تذكري وعد الله للمستغفرين
عشان مايجيك يأس وتحطمين
ترى الاستغفار يفكك اسحار يصنع معجزات لكن مين الي يتلزمه !

والله ثم والله ما عرفت طعم السعاده الا لما عرفت ربي صح ثلث الاخير من ليل في لذه وفيه سعاده وفيييه كل الخيييير..... رزقني ربي سعاده بانواعها والله ما عمري سئلته شي الا واعطاني ياه او افضل من اللي سئلته وعمري ما رفعت يدي الا وشعرت برحمة ربي تحتويني اللي يبي سعاده والفرج وتيسر وتحقيق الامنيات يلزم الاستغفار والصلاه على الرسول وقيام الليل واهم شي الثقه واليقين بقدرة رب العالمين
.

بخصوص موضوع الشكوى لغير الله انا جاني مرض ماله علاج ولاعرف الدكتور لي وتازم وضعي وصرت معد اقعد ع الارض ابدا واصلي وانا بكرسي وانا توي صغيرة شكيت لامي وصديقاتي حسيت اني انذليت يوم حكيت لهم اصلا صديقاتي ماوقفو معي وصرت ادعي ربي واستغفر بكل ذل واصير طاهرة طول الوقت واتصدق من شهر صفر واللحين الحمدلله مااقول خلاص راح المرض ميه بالميه بس بديت امشي وين من اول خمس دقايق مقدر اوقف بديت شوي اصفطها واقعد ع الارض نصيحه بنات اللي عند الله ماتاخذينه الا لمن تطيعينه
.