استغفر الله

السلام عليكم ورحمة الله وبركاته
انا جديده ف المنتدى واتمنى القى النصائح اللي ممكن تغير شي من وضعي بعد الدعاء لله ف هو انيسي وونيسي
متزوجه من اربع سنوات وكا بداية اي علاقه جديده لابد من الاختلافات ف الطبايع والعادات والاسلوب والشخصيات زوجي صعب لدرجه تفوق الوصف وانا طبعي سهل الى درجة السذاجه والغباء احيانا
اوصفه لكم ببساطه انطوائي مايزور احد قاطع لرحمه والله لنا اربع سنوات مادخل بيت وحده من عماته واخواله بحكم انهم بمنطقه ثانيه ف زيارته تكون كل كم سنه
اقاربي انا والله مادخل بيت من بيوتهم مع انهم يعزمونه ويقدرونه الا اهلي اشهد له مايقصر معهم
اختي يقول مو لازم تزورينها الا بالشهر مره عذره مااحب ولدي ولا زوجتي يثقلون ع احد
صديقاتي لا والف لا هم الشياطين في نظره بالرغم انه ماشاف منهم شي وكلهم من بنات قريتي ومتزوجات
حتى زملاء ماعنده الا بالدوام وبعده مايعرفهم ولايببهم ويقول عيال اقاربي كفايه
حاكم علي ف الجلوس قدامه ف البيت ولما اطلع وارجع وانا مبسوطه القاه زعلان ومتضايق كأنه مايبعى يشوفني مبسوطه
على طول متضايق ومعصب وزعلان وعاقد حواجبه اكلمه ادلعه اسوي له كل شي يبتسم ساعه ويرجع لوضعه
احساسي بألانوثه قدامه ينعدم بسبب تعامله واسلوبه الجاف كأن يعامل رجل بنفس تفكيره وعقليته
لما تصير مشكله بينا واجي اناقشه يظل يتريق علي ويتمسخر ع دموعي ولو شافني قويه يهددني يمارس علي تعامل الزوج لزوجته فقط يعني مدري وش قصده يصير اقسى من كذا ولا ايش
مصروف مايعطيني الا لما اطلب وكمان لي ولولدي الف بس واذا تعديتها يبدا بالمنه
بالرغم اقسم بالله اني كل ست او خمس شهور انزل السوق مقصره ع نفسي وولدي وبيتي عشان ماضايقه
اربع سنوات عمري ماشفت منه هديه الا طقم ذهب صغير بولادتي وبوكيه ورد جاء بعد طلب مني
وانا اقسم بالله ابيع من ذهبي عشان اسوي له حفلات واجيب له هدايا من اغلى الاشياء او اجيب هديه لامي او ابوي او عيديه لامي او شي ضروري للبيت
الحين ذهب ماعندي ابد صرفته ووربي نصفه عليه طبعا بدون مايدري اني ابيع
اخر مره انكسر جوالي وبعت من ذهبي وانا معاه واشتريت ايفون قال من جدك تشترين بذا القيمه جوال قلت ايه قال اساسا انتي حقة اكسسوار مو ذهب
حزت ف قلبي هالكلمه حيل وغيرررررره بغير بغير مادري وش اسوي معاه تعبت وجربت كل الحلول وناقشته وطلبته وترجيته يعدل اسلوبه معاي ومافي اي فايده وشايفني غلطانه وهو الصح الملاك الكامل
طولت ادري بس من القهر الي جواتي