بحرينية 76

بحرينية 76 @bhryny_76

عضوة فعالة

استغفر الله احس اني كارهة نفسي الرجاء الدخول

تأخر الحمل

جماعة انا صار لي سنة ونص متزوجة وماالله كتب لي احمل وفي الفترة الاخيرة صايرة فكرة الحمل وايد في بالي وصرت اتضايق اذا اتجيني الدورة . طبعا من فترة بسيطة اخت زوجي واخوه تزوجوا والله رزقهم بالحمل واحدة الحين في السادس وواحدة الي اهيا مرة حماي في الثالث او الرابع المهم الحين زوجي متصل لي وعلي فكرة انا بالشغل وقال لي ان زوجة اخوه قالوا لها المستشفي ان الجنين توفي في بطنها ويبيني اكلم اخته الي معاهم لان لي خلفية في الصحة.
المشكلة اني اول مرة في حياتي احس باحساس هلون غريب مو عارفة انا فرحت يوم سمعت الخبر والا شنو هالشعور لانه لو كان فرح فهاذي اول مرة في حياتي افرح بمعاناة احد . انا الحين جدا خايفة من شعوري وقاعدة انتفض والله ومو عارفة شلون امحي هالذنب. وبنفس الوقت قاعدة افكر اقول يمكن يوم اني تضايقت من خبر حملها لايكون عطيتها عين مع اني والله الشاهد من زود تانيب الضمير ادعي لها ولحماتي ان الله ايثبت حملهم ويرزقني نفسهم وان الله يبعد عني الحسد والشماتة.
ادري طولت بس ابي افضفض لاني مستحيل مستحيل اقول هالشي حق اي مخلوق.
6
2K

يلزم عليك تسجيل الدخول أولًا لكتابة تعليق.

تسجيل دخول

روح عبودهآ
روح عبودهآ
الله يرزقك بالذرية عاجلاً غير آجل 
انا اغبط اللي تحمل دون زوال نعمتها بس اتمنى اكون أم مثلها ، انا لي 5 سنوات اتضايق طبيعي لما اسمع طاري الحمل او وحده حامل اتضايق فقط لٱني اتمنى اكون ام مثلها  بس اقول الله يبارك لها ويفرح قلبي مثل مافرح قلبهـا ،، 
انا حآسه فيك بس رددي  دائماً حسبي الله لٱ آله الٱ هو عليه توكلت وهـو رب العرش العظيم 
و أسّتغفرٌ ٱڵـٱـ?ْ ٱلعَظيمّ ٱلذيّ لٱ إلـ? ٱلٱ ?ُۆ ٱلحَې ٱلقيۆم ۆ أتۆب إلي?ْ () 
ي قلبي لٱ تخلي الشيطان يوسوس لك ابداً متأكده انا من طيبة قلبك وانك مافرحتي للخبر من جواتك بس مااقول غير الله يرررزقك ..، 
مرميس
مرميس
اكبر دليل على صفا قلبك ونتيك انك حزنتي لما أصابها
وعلى فكرة حتى لو انتي. حملتي وخلفتي برضه راح يصير لها كدا

كل شي بالكون مقدر. ومكتوب ولا تنسي قول الله عز وجل يهب لمن يشاء إناثا ويهب لمن يشاء الذكور او يزوجهم ذكرانا وإناثا ويجعل من يشاء عقيما

كله من عند الله والي صار لها مكتوب ومقدر
وما تكلفي نفسك فوق طاقتها.
بس ممكن انك تتصدقي عنها علشان بس ما حسي بتأنيب الضمير


يارب يرزقك بالذرية الصالحة الطيبة المعافاة
بحرينية 76
بحرينية 76
مشكورين خواتي الكريمات والله ان كلامكم ونصايحكم بلسم علي قلبي. راح اخذ بنصيحتج اختي مرميس
شمعة الإيمان
شمعة الإيمان
الله يسعدك يمكن هالشي عادي لأن فكرة الحمل أو لما نسمع حدا حامل نحن ما بنحسدو بس بتحز في قلبنا لان لسا ما حملنا يعني غبطا انا دايم بفرح إذا سمعت حدا حامل وبدعي بقلبي يارب انت اللي رزقتها ترزقني والله ان شاء الله ما بينسانة وباين عليك طيبة ادعيلها واكثري من قول لا حول ولا قوة إلا بالله
الله يرزقك ويرزقني ويرزق كل متأخرة بالذرية الصالحة هالشهر يارب ياكريم
توتة الحالمة
توتة الحالمة
لانحملي نفسك فوق طاقتهاااا
وليش جاي بالك انك عطتيهاااا عين هي جتهااا ؟؟؟ وحماتك الثانية ماجتهاااا يعني
فكري بنفسيتك وصحتك اهم شي وئلي صار ربي كاتبة لهااااا
وربي يعوضهااا ويعوضك امين يارب العالمين
وكل من يتمنى الذرية