استغلال الأطفال بمعرفة اخبار اهلهم واسرارهم

عطيها كاش بوجهها قوليلها ليش تسئل؟؟ واذا تستحين منها
قوليلها ولدي يقول انك دااايم تسئلينه صح؟؟بس انا قلت له عيب لا فلانه ما تسويها بعدين اضحكي

صحيح الله يعين عليهم
أنا من رأيي أنك تقولين لاولادك لا تقول شئ أو قل دائما ما أدري إذا أحد سألك عن أي شئ بالبيت وأطلع من عندهم أو يروح يلعب هذ إذا كان الطفل يميز ويعرف
وطريقة أختي روعة الصباح حلوة جدا..علشان ينحرج اللي يسأل...؟؟؟

الله يعين اختي هالنوعيات للاسف موجوده وبكثره وش تقولين ناس فاضيه
احسن شي الواحد يطنشهم وش بيستفيدون اساسا انا الناس اللي زي كدا ما اعطيهم اهميه واحاول افهم عيالي ان احد سألهم عن شي يقولون ما ادري وبس

والله اشوف هالحالة جدامي والله يعينها سلفتي لانها ساكنة مع زوجة الكبير وزوجة عمي الثانية
والمسكينة ماتطلع وتدخل الا ومسكوا ولدها الملقوف وهات ياستجواب والله صارت جدام عيني..وقلتلها حاولي تتفاهمي مع ولدج قالت هذا صغير اذا الكبار مافهوا كيف الصغير وحاولت معاه بس طفل ست سنوات والثاني خمس شو دراهم
والمشكلة انهم يشجعونهم بالابتسامه والمزح وهذيل اطفال يفرحوا ويعتقدوا ان اللي يسووه صح

ياليت عندكم طريقه انقذها بها من هالغجر
والنكتة بنت زوجة عمي الثانية وهي صغيرة عمتي اللي هي زوجته الاولى كانت تتعامل بنفس الطريقه معاها وتاخذ اخبار امها ..وامها اذا شافتها اتاخرت عندهم استجوبتها والحين البنت اتعلمته طبع تحسب ان نقل الاخبار شي حلو ..لدرجة انها اول ماتزوجت خرتلي اخبار امها وعمتها وابوها وانصدمت...طفله شونسوي بس اهزأها في كل مرة الله يهديها..ونبهت امها بس مافي فايده...مرتاحه عندها وكالة انباء..بس تزعل اذا نقلت اخبارها اما اخبارنا عادي

انتبهوا يابنات على عيالكم من هالاشكال لانهم بيخربوهم والنتيجه اشوفها بعيني اطفال تنقتل برائتهم بسبب اللقافه
واجهوا هالاشكال ولا اخلاق عيالكم تتدمر:(

يووووووووووووووه هاذي جااارتي كأنك تتكلمين عنها

اذا راحت بنتي ..ارسل شغالتي معها ..واذا رجعت شغالتي ...تقولي :يووووووووووه يامدام ..هذا حرمه مافيه كويس ...بس يسأل ..ايش تسوي مدام ..ايش ياكل بابا ...ايش تغديتوا امس ..واللي ضحكت منه ..انها سألت شغالتي :باقي عندكم سمبوسه من رمضان بالفريزر ..((وانتي وش دخل ابوك في السمبوسه متوحمه عليها ؟؟
مره تقول لشغالتي :بيجاما حقت بيبي من سيتي بلازا ولا من وين؟؟ياربييييييييييييه

ولا مره كنت والده ..ودقت علي ..وتسأل عن اخباري ..قالت خلصت صينيه الشوكلاته اللي عندك ولا لا؟؟؟وهي كانت زايرتني قبلها بيومين ...وقضت على نصها ..ماشاء الله خخخخخ

واحيانا اذا طلعنا من الشقه تفتح الباب وتطل تشوف من طلع ...بالأخير قطعت علاقتي فيها ...

والمشكله انها تحمل شهادات عليااااااااااا

الله يستر علي وعليها ...((سبحانك اللهم وبحمدك ..استغفرك اللهم واتوب اليك ))