السلام عليكم ورحمة الله وبركاته
أخواتي وحبيباتي يعلم الله ماكتبت موضوعي الا بعد الضيم اللي جاني :44:
ليه صاروا الناس يستغلون الطيب لا صار طيب استغلوه ولا شافوه لعين سبوه
ودي أعرف وش يبون
سالفتي ومافيها يااخواتي اني متزوجه من رجل طيب وابن حلال لكن وظيفته على قده راتبه 1500 ريال وانا معلمه
راتبي زين بس اشتريت شقه تمليك أضم رجلي فيها وعيالي واصرف بيتي واسدد الفواتير كلها كهربا وتلفون
وجوال يعني تقريبا انا العائل في البيت حتى البنزين انا اعبيه لأن راتب زوجي يسدد به اقساط السياره ومايبقى
الا 400 ريال يفرح عياله بها والله انه مايقصر انه طيب اذا جاه شي زايد يحطه بيدي يعني رجل مقدر اللي أسويه
الله يحفظه
ونسيت أقول ان من راتبي شهريا أعطي امي 500 ريال من يوم اللي تعينت ماعمري قصرت عليها وإن سافرت
أجيب لها ولخواتي هدايا
لأني الكبيره في بيت اهلي وخواتي ماتعينوا وكلهم متزوجات
وانا انسانه دايم تعبانه وماأحب الشغالات ولا ادخلهم بيتي
المشكله ان عندي اخ عمره 30 سنه انسجن سنه كامله وفصلوه من عمله ويوم طلع من السجن مشاكله هي وابوي قايمه
المهم انه انطرد من بداية رمضان من البيت طبعا وانا كنت عند اهلي وامي قامت تقول وين يروح ومن هالكلام تلمح لي
ادخله بيتي لأنها عارفه ان زوجي طيب ولأن هذا بيتي بس الولد هذا كبير المفروض انه يتأدب مو يطرده ابوي من
البيت ونفتح له احنا
صرت ماأطلع من البيت وزوجي يتضايق من وجوده وهو يسهر مايرجع الا الصبح الساعه 11 هالأيام ومقلقنا بحياتنا
طيب أنا وش ذنبي ليه ماتبرعوا خواتي الباقيات وليه امي ماتجرأت عليهم وقالت لهم افتحوا لاخوكم ولا أنا
عشاني طيبه تخيلوا يدق عليهم خواتي البنات ولا يردون عليه
طيب انا تعبت وش اسوي والله مانقدر ناخذ راحتنا في بيتنا ولا نقدر نسافر ولا صرت اشوف أحد بس قاعده معه
ومن قبل ينزل راتبي هالشهر وهو يسأل عن راتبي وكذبت عليه قلت احنا نستلم في 25 مو 20
المشكله الثانيه انقطع كهربنا وعليه 1000 ريال وانتم عارفين مصاريف العيد والمدرسه وطبعا سددته ولأول مره
أرسل لأمي رساله أعتذر منها في هالشهر لأن مسؤولياتي كبيره الشهر ردت علي برساله مسموحه يابنتي
ومن يومها ماعد كلمتني زشكلها زعلانه أنا وش ذنبي ليه حتى امي ماقدرت وضعي صح جاملتني بس انها زعلت
في العماره اللي انا فيها عندي جيران ماعندهم خلاف بس ابوهم ماسدد التلفون وقاطعه عنهم تخيلوا أرسلت
لي جارتي بما ان عندي خدمة جود تقول بانزل عندك سلك إذا بغينا نكلم أهلنا طقيت الصدر وقلت أبشري بس
في نفس الوقت حسيتها استغلال فقلت لها هاتي السلك ووقت ماتبين تكلمين عطيني رساله وانا اشبكه
وكلمي وزعلت تخيلوا ولعد تكلمني مع العلم ان بنتها مزعجتني كل يوم والثاني افتحي الدي اس ال تخيلوا انهم
حتى شغالين على الدي اس ال حقي واذا طفيته عشان يبرد الجهاز شالوا خشومهم
ليه الناس كذا استغلال حتى اقرب الناس لي تعبت والله تعبت اني اسوي الخير ومالقى ثمره
بالله دلوني اناتعبانه امي زعلانه وجيراني زعلانين ياتعطينا يانزعلوين أروح بالله
تعبيتي نفسآنه @taabyty_nfsanh_2
عضوة جديدة
يلزم عليك تسجيل الدخول أولًا لكتابة تعليق.
أستاذة جامعية
•
الله يفرج همك
ام سلمان وسوسو حياك والله يفرج همك من جد كلامك على الجرح وبأطبقه إذا قدرت لأني والله أعرف انه من غير شي مايصفى الراتب وشلون واحنا على عيد ومدارس والكهرب اخذ مني 1000 ريال
استاذه جامعيه ولك بالمثل
استاذه جامعيه ولك بالمثل
غنوجة ابوها كان زين اصير بهالقوه بس قلبي مايطاوعني ودايم اندم لو اتخذت زي هالقرارات مابي أحد يزعل مني وللأسف الكل زعلان
الله يرضى عليك ويوفقك
الله يرضى عليك ويوفقك
شوفي اللي يحبك علشان الفلوس بالناقص جيرانك فميم انك بطلتي النت وصتي بالبطاق بس وبطلتي خدمة جود وامك اظن علشان تحبك تعتمد عليك واخوك سووا صلح بينه وبين ابوك اذا ما صار صلح ضيقي غليه خليه يحس بالمسؤليه قولي دور شغل شاركنا الحمل انت واحد من اهل البيت ولاتزعلين مني اذا عندك اطفال انتبهي لهم من اخوك والله كثر تحرش الاقارب بالاطفال حاولي مع ابوك يرجعه قبل العيد قولي يبه سامحه حنا في العشر الاخير اعفو عنه وكذا وانتي فمي اخوك ان الوضع صعب تستقبلين احد والبيت صغير
الصفحة الأخيرة