استغلـــــي هذا الكنــــــــــــز في الغربة

السلام عليكم..



لا فض فوك.. أختي رنيم..

فعلا .. لعل من أهم فوائد الغربة زيادة الحصيلة العلمية و الثقافية و اللغوية لكل منا..

و اتساع الأفق في التفكير.. فتصبح كل منا لها القدرة على إستيعاب ما حولها بنظرة أكثر

شمولا.. و أكثر فهما للواقع..

و لا يصبح التفكير منحصرا في نطاق المنطقة التي تعيشين فيها..

ثقافات, قوانين, عادات, طرق تعلم , إبداع, ,, إلخ..

الحياة في الغربة تعطي كل منا مجال أكثر لتعلّم اللغة.. فأنت تستطيعين

الحصول على الأخبار اليومية, قراءة الصحف, مشاهدة البرامج,

بل وحتى حضور المحاضرات الدينية.. التي تكون لغتها بلغة الدولة التي تعيشين فيها

سواءا انجليزية أو فرنسية أو ألمانية أو أو أو..

و هذا يزيد من الإكتسابات اللغوية شيئا فشيئا..

**********************

و بالفعل عزيزتي.. تأتيني رسائل كثيرة تطلب ترجمة نصوص.. لكن ليس من المغتربات..

كنت لفترة أحاول مساعدة الفتيات في قسم اللغة الإنجليزية في المنتدى في الترجمة..

و لكن وجدت في كثير من المواضيع أن الفتيات اللاتي يطلبن المساعدة يردن تحليلا لقصة

يدرسنها في الجامعة مثلا .. أو موضوعا تعبيريا.. و ليس الأمر مجرد مساعدة في ترجمة أو

بحث عن مصادر .. لكنهن يردن عمل جاهز..

و هنا ظهر لي الخلل.. الكثير يردن فقط النجاح و التفوق من مجهود الغير.. و هذا هو داء

تعلم اللغة الأول.. الرغبة في النجاح فقط.. و ليس التعلم..و تطوير الذات..

إذا لإستغلال هذا الكنز.. يجب معرفة الخلل و الأخطاء أولا و من ثم معالجتها..

و بالعزيمة يتحقق كل شيء

السلام عليكم ورحمة الله وبركاته..

ماشاء الله لاقوة الا بالله لسة مابدينا ولقيت تفاعل من الجميع
اوعدكم انكم ماينتهي هالموضوع الا وهمتكم عااالية وحماسكم تفاااعل اضعاف باذن المولى عز وجل ..

العصفورة الحزينة
العفو حبيبتي والله هذا من ذوقك وان شاء الله تستفيد من هالموضوع كمان قريبا باذن المولى


ملاك الأمل
ثانك يو ياعسل بس اتمناها تكون زنبقه لاني من عشاق هالزهرة!! ---> شكلكم راح تكرههوا هالزهرة من وراي :42:

الصدى
تسلمين على الدعوة وعلى البطاقه الحلوة من يد مانعدمها يااارب

zainnn
تسلمين يالغالية وانا بس يصير في عندي وقت راح اثريه قدر استطاعتي

dreaming
عزيزتي الابداع يجي من مشجعين امثالكم!! جعلي مانحرم من هالمحبة والالفه بيننا

ام فيصل
الخطوات راح اشرحها بالتفصيل بس مو الممل!! تابعيني التفاصيل راح تكون ممتعه

امونة
وجزاك عزيزتي كل الثواب

عقد الماس
جوزيتي كل الخير غاليتي

الجوري
تسلمي ياعسل

عائشه
لكم اسعد لتواجدك جوزيتِ خيرا..

Um TOTI
باذن الله راح تستفيدي من كل حلقة من الموضوع..

زينة
شكرا لتواجدك غاليتي

بنت آدم
حياك الله غاليتي ..
فعلا انا ارى ان اللغه جزء بسيط من الفوائد التي استفدتها بالغربة مقارنه مع المعلومات والثقافات والاساليب المتميزة ولكن لا ننسى ان اللغه هي الخطوة الأولى لنتعلم اي شيء لذلك سأكون باذن الله من يذكر لكم بعض الأساليب المميزة التي استخدمتها ..

فعلا في قسم الانجليزي بدأت من فترة ليست بقصيرة الترجمه به ولكن احسست بنفسسس الشعور الذي ذكرتيه..

واليوم وصلتني رسالة خاصه من فتاة لا ادري كيف اصفها ولكن كانت كثيبة لقطع علاقتي في هذا القسم نهاااائياً!!
وعلى فكرة انا من النوع اللي ماحب اعطي مجهودي لأي أحد من غير مايتعب الشخص مهما كان الشخص قريب لي تخيلي اختي واللي هي اختي عمري ما اعطيتها رسمه هندسية او واجب او بحث كذا عالجاهز مع انه عندي نسخه من كل شي بس اعطيها نصايح اعطيها طريقة البحث اعطيها مصادر لقيتها مفيده واعطيها اجوبة لأي سؤال في البحث بشكل عام وبس واقولها الباقي عليك اول فترة كانت تقول اني نذلة وووو لكن مع الوقت اخذت عادتي هذي وتعودت وشافت انها في مصلحتها ..

أزاهير اللقاء
دوما سباقه!! جعلك الله من السباقون في دخول الجنه .. اللهم امين


الفتاة المتفاءله..
اتفاءل بوجودك ..فعلا كل سطر كتبتيه بينتي لنا الحقيقه
وضحتي لنا فكرة اهمية تلك اللغه
اطلب من الجميع التفكر فيما قيل من قبلك ..
حياك الرحمن

شجرة النانرج..
حبيبتي صدقيني لا اتذكر متى طلبتي مني ذلك وكما قلت يصلني الكثييييييير مثل هذه الرسائل فأكاد لا أميز صاحباتها
فاعذريني عما بدر مني رجاءً .. باذن الله راح يكون هالتقرير مفيد لك..

حلااا..
فعلا عزيزتي رسالتك كانت السبب في فتح هذا الموضوع فقلت احسن ما اعطيها شوية نصايح عالسريع او اني لا ارد عليها اطلاقا لماذا لايكون هناك مرجعا لنا كي نتشارك فائدة اللغه .. انتظريني ..

االامل في الله..
شكر ا لتواجدك غاليتي لكم احب طلاتك!!
شكررا على الورد .. جميل كصاحبته :)

الساجده لله وحده ..اختي والله امنيتي اني اتعلم فرنسي بس صاحبتك نجت في كورس الفرنسي عالحافه!!
بس هذا مايعني انك ماتشاركينا .. راح تشوفي كيف انه الموضوع راح يكون فائده لك ايضا باذن الله





المعذرة..
سأطلب من شام جزاها الله كل خيرحذف جميع الردود السابقه حتى لايزدحم الموضوع ورجاااااء ارجو ان لاتأخذوا الموضوع بحساسية فغرضي هو الفائده لمن تقوم البحث فلا ترا العديد من الردود وتمل وهي تتصفح دون فائده .. ويعلم الله ان تواجدكم اعطاني شحنـــــــــه للبدء لم اتوقعها اطلاقا ماشاء الله..

جزاك الله خيرا على هذا الموضوع القيم

وجعله الله في ميزان حساناتك .. نحن في انتظار نصائحك الرائعه .. فلا تحرمينا منها..

وانشاءلله سوف نفيــد ونستفيد في هذا الموضووع الاكثر من رائع ..:)

اختكم

عهود:17:

جزاك الله الفخير وهذا ما نحتاجه فعلا في الغربة جعل الله صالح اعمالك في ميزان حسناتك .....اللهم امين
واخيتي ياريت تساعدين الاخوات في الدول الغربية الي تتكلم لغات اخرى
والطلب الاخر كيف نستطيع ان نتعلم ولا ننسى ...فمشكلت الذاكرة ....وامور الحياة تنسي الواحد ماتعلمه:26:

السلام عليكم ورحمة المولى وبركاته

اعتذر عن الاطاله عليكن .. الله وحده اعلم الظروف التي امر بها دعواتكن لي بالفرج..


ملفي هذا سيكون خاص عن كيفية تعلم اللغه للمغتربات .. بمعنى اخر يمكن لو قرأته فتاة في دولة عربية قد لاتستفيد منه بقدر استفادتكم منه .. لذلك اتمنى ان تكون الهمم مشدوده والعزائم عاااالية حتى نبدأ مشوارنا بــ


الحلقة الأولــــى


هي عن كيفية استغلال..





الظاهر ماعجبتكم الفكرة!!
ارى وجوها عابسة وحواجب مقطبة!!
لالا اتفقنا على ان ناخذ الامور بسهولة ونستمتع بها قد استطاعتنا وانا هذا واجبي هنا ترغيبكم في جميع الأفكار ..

عزيزاتي المكتبة بالنسبة لي كانت مجرد محل استعير منه كتب كي اقرأها لاأكثر.. وهذا شي مو غريب على مكتبة يعني هذه وظيفتها الاساسية ولا كيف؟؟
لا انكر اني كنت معجبة جدا بمكتبة مدينتنا -ميسساجا- عنوان المكتبة مستحيل يضيع فهي في منطقة (سكوير ون) والتي تعتبر سنتر المدينة بالضبط لكن لمكتبة ميسساجا فروع كثيييييييييرة في جميع المناطق وتقد تفي بالغرض!..نرجع بالموضوع عن المكتبة العامة فهي مبنى ذو ست طوابق في منتصف المدينة .. منسقه مرتبه ونظيفه والخدمه فيها ممتازة.. لكني لم اتعمق بها كثيرا للأسف الا مؤخرا ..اعني في الثلاث سنوات الاخيرة..

المكتبة العامة صممت كي يستطيع الناس من جميع الطبقات الاستمتاع بخدمات قد تكون متوفرة وبأماكن اخرى بأسعار باهظة.. وفعلا المكتبة العامة اعتبره الكنــــز الذي قمت باكتشافه في كندا ..
دعوني اخذكم في جولة سريعه وسط اجواء المكتبة العامه كي تنظروا اليها بمنظار اجمل من تلك التي نظرتم اليها عند بداية طرحي للفكرة!! ..

(على فكرة كنت اتمنى ان تكون الصور واقعيه ومن تصويري لأن مكتبة ميسساجا متميزة ولكن ما ان بدأت التصوير حتى مسكني شرطي وقال لي : اكسيوزمي؟؟ ورنيم دخلت في تحقيق طويل عريض بعدها وطلع التصوير في المكتبة العامه ممنوع :30: لذلك قمت بجمع الصور من النت اتمنى اكون وفقت في ذلك ...)

اولا وقبل اي شي .. في كللللللللللل مكتبة مهما كانت متميزة او سيئة راح يكون في





موظفين او موظفات مدفوع لهم راتب عشان يساعدوك ليش ماتستغليهم؟؟ انا سويت ابحاث كثيييييييييييييييييييييييييير وفي كل مرة مااتعب نفسي ابحث عن كتاب وسط ست طوابق من الكتب!! اروح عندهم واحكي لها عن بحثي واقولها برايك وين افضل مكان ابحث فيه.. طقطقطقطق على الكيبورد تلاقيها عطتني بالضبط بأي طابق وبأي مكتبة وبأي رف الكتاب اللي احتاجه.. وممكن كمان تنصحني مثلا هالكتاب قديم فيه نسخ جديده جاية في الطريق او في عندنا فيدويهات تعليميه متميزة ممكن تفيدك وووو وانا بصراحه استغليت هالموظفين بجدارة ولا تبوهم ياخذوا راتب على جلستهم عالكرسي؟؟

أيضا في المكتبة العامه مكان استراحه لكِ ولأطفالك ايضا فكل مكتبة تحوي على








نعم قســم خاص للأطفال.. مليء بالقصص وبالافلام وبالكايستات والسي ديات .. ولديهم كمبيوترات خاصه فيهم يلعبوا عليها برامج تعليميه لكن حلللوة .. قسم الاطفال في مكتبة ميسساجا عبارة عن (طابق) كامل مجرد النظر اليه الاطفال يركضوا عليه حاطين لهم حوض سمك كبير بالنص والعاب فوق المكتبات عشان تغريهم اكثر .. بعدين بالمنتصف عندهم مثل كوخ خشبي كبير وحواليه كتب وقصص كثييييييييرة تلاقي الاطفال متجمعين في الكوخ ويقروا مبسوطين ومعهم اهاليهم .. متعه خاصه لأطفالك تفيدهم وتفيدك في اللغه كثييرا هل سبق وجربتيها؟؟؟

طيب افرضي انك لقيتي قصه كتاب رواية مجله وودك تقريه لكن جو المكتبة يعطيك شعور بأنه جالسة تسوي فرض او واجب من كثر طاولات الدراسة وهالشي يخليك تطفشي فلذلك في المكتبة العامه ابحثي عن الــ



في كل المكتبات هناك كنبات ومقاعد مخصصه للقراءة يعني جلسة رايقه بعيده عن الهم وتلاقي يراعوا يضعوا لك نوع نباتات حولك عشان تزيد الجلسة رونق .. وفي مكتبة ميسساجا اغلب اماكن القراءة تكون امام النافذه يعني باماكن منشرحه جدا وتبعث البهجه في شعورك .. وراح تقرأي وماتحسي بالوقت صدقيني !!!

طيب افرضي انك جاااالسة تقرأي ولقيتي معلومه حلللوة ودك تشاركيها لعالم حواء!! ولايهمك احنا مانضيع وقت ابدا .



بنفس المكتبة راح تلاقي اجهزة كمبيوتر لجميع الاحتياجات يعني لنت ولا للورد ولا للبحث كله موجود .. واذا اردت طباعة اي شي برضوا بدفع بضع سنتات تطبعي اللي انتي محتاجته



على فكرة كمان الطباعه في المكتبة يمكن تكلفك اقل من الطباعه في البيت والطابعه في المكتبة تكون متطورة اكثر بالتأكيد لأن اللي يطبعوا عليها الالاف الناس يوميا...

هناك الكثير من المصادر في المكتبة تلاقي مكتوب عليها (الاستعمال في داخل المكتبة فقط) فهالحالة الدنيا ماخربت بكل بساطة اتجهي الى ..





وقومي بتصوير ماحتجتي من معلومات ..

على فكرة احنا لما نحتاج نستعير كتاب نقوم بتصفحه عالسريع طيب اذا كان فيديو ايش نسوي ؟؟
ولايهمك .. المكتبة فيها





يعني تطلبي سماعات من الكوستمير سيرفيس وتضعي الشريط او السي دي او الديفيدي وتتفرجي على مقاطع منه .. ممكن يكون هذا مو طلبك وماتستعيريه وممكن يكون طلبك بالضبط وتستعيريه..

من زمان كان عندي تحليل لقصيده في مدح الطبيعه .. وكان لازم اناقش التحليل مع الفصل .. ففكرت اني مع مناقشتي اضيف اصوات طبيعيه في الخلفيه تحسس الفصل وتعطيهم جو مع القصيده .. رحت المكتبة وسألتها عن طلبي ..
ودتني حوالي خمس مكتبات (متروس) سي ديات وكاسيتات عن الطبيعه بصراحه توهقت ماعرفت ايش استعير فنصحتني استعمل ..




نفس المبأد عطتني هيد فونز سمعت كذا شريط وبعضهم بصراحه فعلا كانوا خرابيط كويس اني سمعتهم قبل ما استعير وبعضهم كان روعه .. والحمد الله وفقت في اختياري واصوات الماء والشلال والعصافير سوت جو رهيب مع القصيده ..

اذا كنت من النوع اللي مايعرف يركز غير بالهدوء التااااااام وعلى فكرة المكتبة لاتتميز في الهدوء يعني صوت كتب صوت تقليب صفحات صوت اطفال في الدول الثاني ووووو لذلك صممت هذه القواطع للدراسة او القراءة الجادة ..





ايضا في حالة كنت مجموعه وراح تتكلموا وبنفس الوقت محتاجين هدوء خاصة في التركيز لشيء معين .. ممكن مثلا تسوا حلقة في هالمكان ..
يمكن لقواطع ماتحجب الصوت كويس لذلك صمموا غرف الدراسة الزجاجية..
وجواها فيه سبورة وفيه فيش عشان لو معاكم لابتوب او بروجيكتير يعني الغرفة مصممه كأنها فصل زجاجي هاديء !!





اما في حالات القراءة الجااااااااااااااااااده اخترعوا هذه الغرف .. وعلى فكرة انا ماكتشتفتها الا من حوالي شهرين!! هي عبارة عن غرفة صغيييييييييرة يمكن بحجم مدري متر بمترين المهم انها صغيييييييرة وفيها مكتب صغير وكرسي ولمبة وفتحه شباك تطل عالشارع!! تدخلي الغرفة وتسكري الباب عليكي وكأنك في عالمك الخاص ..





خلونا من الدراسة والقراءة والملل .. ايش الجلسة من غير سناك!!
بعض المكتبات توفر كافتريا خاصه فيها

http://forum.hawaaworld.com/files/26765/library cafe.jpg


او اذا عندك شوية ارباع وانصاص ودك تصرفيها مافي احلى من الالات ماتمل منك ولا تأفف لو جلستي ساعتين تعدي لها الفلوس ههه لشراء القهوة والشوكولاته والشيبس والبيبسي .. مع توفر كنبات حول مناطق الاكل لأن الاكل ممنوع في المكتبة ..
اممم بس لو هربتي شي داخل هالغرفة الصغيرة ما اظن راح يحس عليك احد!!


نسيت اقولكم انه بعض المكتبات هي وسيلتك بالاتصال في العالم الخارجي عند الخروج تلاقي في لوحه مدبس عليها مئات الاعلانات سواء لكورسات او لدي كير او مؤتمرات وحفلات وووو وانا شخصيا استفدت من الاعلانات وبامكانك ايضا تلصقي اعلان خاص فيكي طبعا بعد اخذ اذنهم .. غير كذا المكتبة ممكن تاخذي منهم مراجع لكثير اشياء تصير حولك تذكرو دفتر الكورسات اللي عرضته عليكم؟؟ ممكن تاخذوه من هناك ..
ايضا لدى المكتبة خدمات خاصه جدا بمبالغ ليست خيالية مثل

http://forum.hawaaworld.com/files/26765/meeting room.jpg
استاجار صالة اجتماعات وانا ماكان عندي علم بالموضوع الا بعد ما جاءتني دعوة من منظمة كندية لحقوق الانسان وكان موضوعهم عن فلسطين وبصراحه الغرفة توسع حوالي خمسين شخص ووقتها عرضوا فيلم حلو واغلب الحضور كانوا كنديين والدعوة وصلتني بالصدفه !! اظن ايجاراها 30$ او شي مثل كذا .. لكن تحل ازمة لو في اجتماع مهم او جمعه ناس ..

نسيت اقولكم عن اكتشاف اكتشفته في المكتبة من قريب ..
في اجهزة غريبة اشوف الناس تروح تجيب بكرة تدخلها في الجهاز وبعدها تجلس على الجهاز في الساااعات!!
المهم قهرني ورحت الكوستمير سيرفيس وقلتهم انه ودي اعرف شو هادا .. بكل بساطه شرحت لي
قالت هادا اسمه

وهي وسيلة بحث غير مستعمله كثيرا لكنها مهمه.. قالت لي شفتي الدواليب اللي على جنب هذي فيها ملااااااين الموسوعات لكن مااحد يعرف.. عطتني مثال.. قالت لي افرضي اننا نبحث عن مقال مععين في جريدة تورنتو ستار ..
تجيبي الميكروفيلم تبع هالجريده للسنة الفلانية وتدخليه في الجهاز تلاقي كلللللللللللل الاعداد لهالسنة ..وهي فيها متل المجهر تطلعي فيه وتشوفي شو في الميكروفيلم هادا وفي حالة لقيتي المقال وبدك ياه فيكي تطبعيه كمان ..
خطير صح؟

على فكرة اكتشاف تاني اكتشتفه من حوالي اربعه شهور وهو انه في قسم كاااااااااامل للكتب والقصص اللي مكتوبة بخط كبير!! بجد كبير وااااضح واللي عرفته انه في ناس تكره القراءة لانها تكرهه نظارتها! لذلك اخترعو هالكتب عشان ماتحسس الواحد في النقص وهو يقرا وعادي يقرا وهو مرتاح


على فكرة المكتبة تتقبل اي كتب تتبرعيها لها وبالذات اللغات .. في المكتبة يوجد قسم اللغه العربية بصراحه قبل سنتين كان القسم رف صغير الان صار مكتبة كاملة بس للأسف كلها قصص غرامية ومدري ايش يعني مافيها كتاب مفيد لذلك لو تبرعتي كم كتاب مفيدين ماتعرفي شو راح يكون مصيرهم في المستقبل ومين راح يستفيد منهم وكذا تكون صدقه جارية!

المكتبة برأي هي وسيلة فعالة لتطوير لغتك وبنفس الوقت للاستمتاع بذلك انتِ وزوجك وأطفالك .. فاستغليها لأن مثل تلك الافكار والفرص غير متوفرة لنا في دولنا العربية وللأسف.. وان توفرت لن تكون بتلك التسهيلات في الدول الغربية ..

وبما اننا الان خلصنا حديثنا عن الحلقة الأولى اريدكم كلكم تذكرون لي اي خبرات في تعاملكم مع المكتبة العامه ؟؟ وهل برايكم استفدتوا منها تماما ولا مو مرة .. كلموني عن المكتبة في منطقتكم وكيف نظامها هل هي بروعة نظام مكتبة ميسساجا؟ اكثر ؟ او اقل؟ في انتظار تعليقاتكم ..
((((ياليت كل وحده ترد تذكر اسم مدينتها وعنوان المكتبة عشان تعم الفائده ويصير مرجع ممتاز للجميع)))))

على فكرة كان امنيتي اني اصور لكم المكتبة بس الله يهدي هالشرطي ماخلاني :( وقال لي تصوري وبعععد تقولي بكل صراحه ابغى انزلها في النت!!! ورطتوني معاه هزأني ..


لاتنسوني من دعوة في ظهر الغيب فأنا في حاجة لها ...

يلله اترككم في امان الله

رنيـــم