استفتاء افضل حليب

مراحب


والله انا زيك ولدي عمره 33 يوم وكنت استخدم له اس 26 من الولااتدة الى 25 يوم بس فجأه صار معه غازات ويصيح منها وتلقفت وغيرته لسميلاك ادفانس بس قلبي ناغزني منه مو مرتاحه والولد ياااعيني رفض الرضاعه وتوهقت حليب ما فيني نشف صدري وغير كذا صدري فيه حساسيه خفت على وليدي

كان يرضع رضعاته كامله على اس 26 وعلى سميلاك عذاب يالله يرضع 10 مل

رحت الدكتور اليوم قال مشاكل هالحليبين كثيره وصف لي رونالاك ما جبته صراحة خفت ابهدل وليدي بالذات اني خلصت سميلاك علبه ومعه اسهال منه وليومك اسهال من سميلاك من شوي رحت لباقي علبه اس 26 وسويت رضعه وقربتها منه وهو نايم يا قلبي رضعها بسرعة وكسر خاطري ونويت ارجع اس 26 مع انه يمغصه بس هو افضل نوع

غير كذا قريت سميلاك ورونالاك فيهم بيوض ديدان ومشاكل وشاكين على الشركة قبل فتره والمنتج امريكي ينخاف منهم


وعلى فكره عيالي قبل على اس 26 ويهبلون ما شاء الله عليه


لا لقيتي نوع حلووو وصحي بلغيني

بلميل بلس العنابي الخاص بلغازات مره ممتاز

ولدي عمره شهرين


في البدايه كنت استخدم له حليب سيميلاك وسبب له امساك و مغص و غيره الدكتور الى حليب الصحه كمفورت

و الحمد لله ولدي مرتااااااااااااح عليه

ولدي من ولادته الى الأن عمره سنه و3شهور حليبه نان
ومشاءالله صحته تمام ولله الحمد
أما المغص أغلب الأطفال بعمر الشهور يكون عندهم المغص والغازات أنا ولدي كان فيه وعطاني الدكتور نقط للمغص أحطها له مع الرضعه والحمدلله
يعني بإختصار أنصحك بحليب النان ..


اللهم ارحم والـــــــدي واغفر له واجعل قبره روضة من رياض الجنه واجمعنا به في جنات النعيم ...

شوفي انا جربت لعيالي حليب قولدن قوت حليب تركيبة الماعز
بس فيه عيبين الاول ماهو متوفر بكثير لان الطلب عليه ماهو كثير
الثاني غالي سعره 48 ريال لعلبة الصغيرة