استفتاء ( الشغل ولا البيت )

والله اذا عندك اطفال صغار بحاجه لك فالاحسن تجلسين في البيت تربينهم وترعينهم لين يكبرون ويعتمدون على انفسهم وبعدها اذا فيه وظيفه تستاهل تركك للبيت وتكونين محتاجتها فتوكلي على الله واشتغلي

من وجهة نظري لا افكر مطلقا بالوظيفه لان الله كرمنا وجعل القوامه للرجل هو اللي يكد ويتعب ويصرف عالبيت اجي انا وادور لنفسي التعب والهم والغم ليششششش؟؟
كفايه رعايتي لعيالي وحملي وولادتي وغير الطبخ والنفخ ووو مسؤليات كثيره مابي ازيدها بالوظيفه لاني اذا توظفت بجيب شغاله وهي اساس البلى ماتدخل بيت الاوتهده وتجيب لراعيته امراض الدنيا وغير كذا ماراح القى وقت اهتم فيه بنفسي واللعب مع عيالي وووو ياربي لك الحمد

انا صار لي ست سنوات متخرجه وما افكر في الوظيفه اطلاقا ..بيتي وعيالي اولا
ولا يغرك ترى الموظفات حاسدينا على قعدة البيت ..لا ونلبس احلى منهم ونشتري اكثر منهم ..خخخخخخخخخ.....وحده شايله بقلبها ...!!!!!!

صراحة البيت وايد وايد أفضل من العمل صراحة احنا الموظفات نحسد اللي قاعدين في البيت ، واشلك بعوار القلب خلك مع اعيالك احسن لك :26:

شوفي حبيبتي .. اول ما تخرجت من الجامعه على طووول عرست و حملت وبعدين جبت الولد واللحين صار لي سنتين وانا متزوجه .. و تدرين طول السنتين هذي كنت جالسه في البيت بس كنت احتاج حق وظيفه ولما اشتغلت احس اني معتمده على نفسي عندي معاشي وعندي كل شي ابيه .. مع ان زوجي ما كان مقصر علي بأي شي .. اي شي كنت احتاج له يشتريه لي وفوق هذا يمشيلي معاش شهري ..

بس بعد غير اذا يمشيلج معاش بنفسج.. المهم بعدين تعرفين ولدي صغير عمره سنه وماكان عندي احد يمسكه لي كنت اعاني بس بالمشكله هذي .. وطبعا كل الناس كانوو يقولون لي فنشي وقعدي جابلي ولدج احسن بس الصراحه انا ارتحت من الشغل وحالتنا الماديه انا وزوجي صارت احسن بواااااااااااااااايد .. فبعدين فكرنا انا وزوجي بحل رحنا جبنا لنا شغاله .. واللحين الحمد الله مرتااحين من كل شي

فانا عن نفسي اشوفه ان حرام البنت تدرس وتضيع سنين عمرها بالدراسه واخر شي تقعد بالبيت .. هو شي حلو انج تقعدين بالبيت وتربين الاطفال .. بس بعد الشي حلو اذا تشتغلين وتساعدين زوجك وتساعدين نفسك بعد علشان تعشين حياه احسن وتبنين مستقبل مشرق لج و لزوجك ولعيالج ..


موو كأني وااايد قاعده اتفلسف :22:

اول مره اتكلم جد :32:

المهم هذي وجهت نظري :p

نفس رايج يا درة البحرين .. وحبيت أضيف شيء الا وهو ان احتمال الزوج اللي كان يعيل لا قدر الله يتوفى أو يكون عاجز عن العمل .. شنو بيكون مصير الزوجة وعيالها .. النظرة السليمة الشهادة سلاح في وقت الشدة .. وحالياً الوضع متأزم بالنسبة للوظائف .. فلا بد ان الوحدة تستقر في وظيفة بعد تخرجها .. علشان تضمن مستقبلها أي كانت الظروف وتساعد زوجها على الحياااة الصعبة