يا حبيباتي .. القماط فقط استخدمه وقت ما يكون الطفل سيبدأـ النوم ..


لكن وهم صاحيين .. مستحيل ..

صح يا ام معاذ .. انا معك .. واذا نام ولفيتيه .. ثقلى على ارجوله بشىء ثقيل عشان ما يقوم .

استخدامه برفق مفيد جدا ويسهل حمله ويشعره بالأمان ..

بشرط أن لا يعيق الدورة الدموية ولا يمنعه من الحركة الخفيفة .

طبعا يام معاذ بس وقت النوم بس بنتي وحتى وهي نايمه لما الفها تصحى وتبكي تبغى تطلع ايدينها ماشاء الله عاقله .

السلام عليكم...

أنا مع القُماط

ومع ولدي الأول كنت أقمطة لين ما صار عمره تقريباً 5 أو 6 شهور

وهذا على حسب كلام أمهاتنا وجداتنا زين للأطفال علشان وهما نايميين ما يفزون من النوم وكأن أحد مخوفهم.

وبعد يقولون التقميط زين للأطفال لأن اليد والرجلين تصطلب وتكون مستقيمة وما يصير تشويه في يده ورجلة لما يكبر الطفل. وذلك لأنهم وهم صغار تكون أرجلهم وأياديهم كأنها مقوسة.



طيب خواتي ما دام الموضوع إنفتح ... شو رايكم بالباطل للأطفال ... وحتى سِن كم تستخدموة

وشو رايكم بعد بالنيلة للطفل ولغاية أي سن تستخدموه....

وكيف تستخدموا الباطل والنيلة للأطفال... تبادل خبرات.


والكحل ... ها تستخدميه للطفل... ولغاية متى... وكيفية الإستخدام...؟؟؟!!!!


يا الله نجاوب على بعض.