استفتاء عاجل ابغى الكل يشارك هل التسريحة ضرورة من ضروريات الزوجة

السلام عليكم ورحمة الله وبركاته


كيف الغاليات


معليش ما اعرف انفنن بالمقدمات خاصة وان قلبي محروق وداخلي نار وفيني حيرة




بدخل في الموضوع ع طول بس بالله اي عضوة مشاركة بالموقع تكتب ردها اذا سمح ظرفها محتاجة اكبر عدد ممكن من الاراء




باختصار
عندي بنت صغيرة توها سنة وجاب ابوها لها سرير خاص فيها عشان تتقلب وتزحف كثير وهي نايمة ف جابه مسور


لما ركبه وخلص


دخله للغرفة فوجد انه ضيق يدخل جنب سريري
يعني مخططين يكون موقعه بين سريري والتسريحة تبعي


فقال مافي الا اننا نحرك التسريحة لمنطقة ثانية بالغرفة


وحرك التسريحة وبعدها لقي ان المكان الجديد ما يسمح ان افتح دروج التسريحة بكل اريحية


فاشتد النقاش بيني وبينه في امه يستغنى عن التسريحة
تخيلوا !!


راح اصر ان يرميها هي وكرسيها واريكه صغيرة فيها درجين صغار


يا بنات تحطمت دخلت الغرفة بعد ما رمى الاغراض فيها سرير ودولاب بس


تسريحة زي الحريم مافي ولا مرايا ولا شي
بكيييت لين تورمت عيوني ونام هو
وارسلت له ان كيف يرمي التسريحة وان الغرفة الان ما عادت تعني لي شي


فوعدني بان يعمل لي تسريحة تدخيل


وسحب علي وبعدها ما عرفت كيف افاتحه بالموضوع
فتحججت بان اهلي جايين لي


لازم يعجل يضبط الوضع لان صعب يجون ويشوفون مكياجي وعطوري واغراضي بالصالة


تخيلوا ع طاولة بالصالة حاطة اغراضي
واتمكيج ع مراية علبة الارواج
حجمها حجم اصبعين من اصابع اليد
واستشور ع مراية الحمام


ااااااااااه يا قلبي بس
يا بنات بعدها رجعت كررت طلبي
قال ما عندي فلوس اسوي لك شي


وهو يقدر ومستطيع صح عليه كم قرض بس مقتدر


يشحن جواله بالمبلغ الفلاني عشان نت
ويطلع مع اصحابه جمعات اذا تجمعوا ويقط


الحين صعبانه علي نفسي وحالي
لسا باول حياتي الزوجية ومرمطني كذا
اغراضي بالصالة
اتمكيج بمراية صغيرة 3سم*7سم
اغراضي باكياس كاني شغالة


يا بنات اش رايكم بس


بالله اش اسوي
احس كارهه غرفة النوم


كيف اتصرف
؟!!!!