موضوع جميل ويساعد على فهم الاخرين

لانه دايم اشوف اختلاف في امور الزواج خصوصا اذا كان بقصر

1- انتي من اي منطقة؟
الاصل من شقراء بس كل اهلنا بالرياض من اجيال

2- كم مهوركم عادة؟
50 الف

3-الزواج على مين ؟ اذا كان في قاعة ؟ او اذا كان في بيت اهل العروس؟
في كل الحالات على اهل العروس الا لو اهل المعرس يبونه اكبر او شي ممكن يشاركون

4- هل اذا كان الزواج في بيت اهل العروس يجب على الزوج ارسال الذبائح ودفع قيمة العشاء لأهل زوجته؟
ما قد سمعت الي اعرفه كل شي على العروس

5-هل هناك عوائل تتشارك في حفلة الزواج ؟
ما اتوقع كثير عاده ممكن الزواره تكون لأكثر من عروس بس ما قد سمعت الزواج نفسه الا لو خوات بيتزوجون بنفس الوقت او شي
او اخوان بيتزوجون في نفس اليوم

6-هل والد الزوج هو من يقوم بدفع المهر والذهب وحجز القاعة والعشاء وجميع المصاريف والزوج فقط يقوم بتجهيز شقته وسفر شهر العسل؟ -حتى لو كان الاب مقتدرا-
اكيد الابو يساعد ما فيه قوانين محدده بالهشي على حسب اتفاقهم وامكانيات الولد
طبعا القاعه والعشاء على العروس

7-هل اهل الزوج يجب ان يرسلوا العود الى اهل العروس؟؟
مهو من عاداتنا الرجال يعطي مهر وشبكه وهدايا ممكن بعد حسب رغبته والباقي على العروس

فووووووووووووووووووق

للرفع والف شكروانتي ياقصيمية وين مشاركتك؟؟؟؟؟؟؟؟؟؟؟

1- انتي من اي منطقة؟

من اللي حول الرياض

2- كم مهوركم عادة؟

يختلف من عايله لعايله حسب قدرة العريس و حسب اهل العروس اذا لهم مهر محدد

3-الزواج على مين ؟ اذا كان في قاعة ؟ او اذا كان في بيت اهل العروس؟

الزواج على اهل العروس طبيعي اذا كان عائلي واذا كان في قاعه كووووووووووووووووولوووووووه على العريس

4- هل اذا كان الزواج في بيت اهل العروس يجب على الزوج ارسال الذبائح ودفع قيمة العشاء لأهل زوجته؟

ماأعتقد الحين فيه كذا بس أول عادي يرسلون الذبايح

5-هل هناك عوائل تتشارك في حفلة الزواج ؟

استغرب بصراحه هالحركه من اولها قطه:09: الحمد لله مهيب عندنا

6-هل والد الزوج هو من يقوم بدفع المهر والذهب وحجز القاعة والعشاء وجميع المصاريف والزوج فقط يقوم بتجهيز شقته وسفر شهر العسل؟ -حتى لو كان الاب مقتدرا-

اللي اعرفه كل شي يدفعه الابو

7-هل اهل الزوج يجب ان يرسلوا العود الى اهل العروس؟؟

يجب هذي مادري عنها بس فيه ناس تسويها عادي

يعني بإختصار بناتنا مدلعااااااااااااااااااااات مايدفعون شي يندفع لهم:icon30:



سبب الاستفتاء.. اني كل ماسالت وحدة من ربعي عطتني راي وكل راي ابعد عن الثاني بعد الشرق عن الغرب............

طيب وش الحكمه وش معنى بنات الريااااااااااااااض:confused-