استفتاء عن قرار اغلاق المحلات الساعه 12 .. أرجوا المشاركة من الجميع

عزيزتي احنا في أمريكا معظم المولات تسكر الساعه تسعه
و يوم الاحد تسكر قبل

أم جود ..

الله يجزاكـ الجنه يارب ..
ويسعد قلبكـ يالغلا ..

طيب ..هل تقفل المطاعم ..والبقالات ..>>لو صار فيه بقالات هناك ..

وهل هناك تذمر من الامريكان !!
وهل القرار جيد ام لا !!
بالنسبه للغرب ..


ليت القى الجواب ..
لان صديقتي مستعجله عليه ..

حنا عندنا المول يسكر 6 المساء
والمحلات اللي عالشارع تسكر 9

السوبرماركتات الغالب يسكر 9 لكن عندنا بس وحدة 24 ساعه

الصيدلية 24 ساعه
المطاعم على حسب فيه اللي يسكر بدري وفيه اللي 12
بس مافيه بعد كذا

والامريكان متعودين على كذا لانهم اصلا ينامون بدري ويقومون بدري

لكن حنا الخليج ماتعودنا

ومب عاجبني هالقرار<<< تتحكم الاخت

1- ماهي الدول المطبقه لهذا القرار ؟؟

أعتقد أغلب الدول الغربية ..

2- مااثر هذا هذا التطبيق ؟؟
والاجابه تكون من شقين //
الاثر في السعوديه ..والاثــر في الدول الغربيه ..

في السعودية سيكون كأي قرار صعب تقبله في البداية لكن مع الوقت سيعتاد الشعب على ذلك
كنت في البداية ممن لم يؤيد القرار
نظراً لكثرة السهرات في السعودية وشدة الحر في النهار والتي تجعلنا نلزم منازلنا حتى يخف

لكنه قرار سيحد كثيراً من نسبة الفساد التي تزيد في الليل وهو وقت السكن والراحة وهذا أنفع بالتأكيد
وسيزيد - بمشيئة الله - الإنتاجية في العمل نظراً لإنتظام الوقت ..
وسيساعد على ترشيد استهلاك الكهرباء والتي تعمل لدينا ليل نهار ..!!

الأثر في الدول الغربية نراه يومياً
الناس هنا يستيقظون من الصباح الباكر ويعملون بكل نشاط
وإنتاجية العمل لديهم واضحة للعيان ..

3- هل انتي مع او ضــد ؟؟
مع القرار

4- ماهي جوانب الفائده في هذا القرار ..وجوانب السلبيه ..؟؟
أنا مع القرار لكن بإستثناءات مثل أيام المناسبات .. رمضان والأعياد .. وماشابهه
وبإستثناء السوبرماركتات مثل بندة وبعض الصيدليات

الجوانب الإيجابية ذكرتها في أحد الإجابات السابقة


هنا في بريطانيا كل المحلات تبدأ في الإغلاق من الساعة الخامسة حتى العاشرة (يعتمد على المحل)
لكن السوبر ماركت مفتوح 24 ساعة .. إلا في أيام العطل والإجازات
يوم السبت الذي يعادل الخميس لدينا يغلق الساعة 10
ويوم الأحد وهو يقابل الجمعة .. يغلق الساعة 4 مساء
ويرجع ذلك لحقوق العمال لديهم .. وأمور أخرى

لــول ..

الله يسعد قلبك على هذي الاجابات الوافيه ..
الله يجزاك الجنه ..
كان يهمني جدا اعرف النظام ..وكيف تقفيل المحلات متى ..

لاحرمتِ الاجر ..

..


ام دحــومي ..
الله يجزاكـ الجنه ..
ولاحرمتِ الاجر في اجاباتك على كل الاسئله ..
مع الشرح البسيط الوافي ..
وانا مع القرار وبقووه ..
لكنه للأسف غير مرضي للابناء ..
يريدون الخروج ليلا ..والتسكع ..والدوران ..
بس الحمدلله لاحظت أثاره الايجابيه ..
الله لايحرمك اجر الاجاابه ..
وأعانكـ في غربتكـ ..وهونها عليكـ ..
وجعلها في ميزان الصبر والاحتساب ..ونشر الدين ..

الله يخلي لك دحومي وأخواته ..
يعجز اللسان عن شكركـ ..
لكن دعوات الغيب ..لن تعجز باذن الله ..