احنا من 600 الي 900 بس زي ماقلتي كل شي ناخذه

انا وزوجي وولدي ربي يخليه


الاخت الي تقول وشولون اذا الذبيحه ب800


ياقلبي احنا ماناخذ ذبيحه ناخذ بالكيلو بحكم عددنا قليل والله ناخذ كيلووين او كيلووون ونص بس وكثير علينا بالشهر


وربي يعين على هالاسعار

المقاضي 800

باقي الايام 600 700

والله يعين

مانشتري ذبيحة لاني ماحب اللحم واذا بغى زوجي لحم يروح ياكل عند امه واذا بنشتري نشتري بالكيلو

احنا ماشاءالله 6 اشخاص نصرف مالا يقل عن 2500ريال في الشهر وتوصل ل3000وفوق

الدنيا نار كل شي غالي بس ربكم كريم

مرحبا..


عددنا 3..

أنا وزوجي وبنتي..

لما تقضي في أشياء أخذها بالجملة..وتبقى عندي بالــ3 شهور..

الرز والصابون للملابس مثل الإيريل أو التايد..والكلينكس والقصدير وبلاستك التغليف وأكياس اللحوم وأكياس الزبالة -تكرمون-والسفر..تبقى عندي أقل شي 3 شهور..لأنها جملة..

الأغراض اللي من الماركت..أخذها من أسواق المزرعة..أول كنت فاضية وكل يومين مسويه حلو..وأشياء غير شكل..

هاللحين مع وجود بنتي الله يخليها لي..ومع الحمل..صرت يدوووب أطبخ وأسوي السلطة..

فنقصت الميزانية..

قبل كنت أصرف من 500 إلى 600..وأغلبها لأغراض الحلويات..لأني أخذ أفخر الأنواع خصوصاً الشكولاته..


هاللحين ما أتعدى الــ 500..وأغلب الأحيان 400..شاملة الخضار والفواكه..إذا وصلت 500 يعني شي من الصابون أو الشامبو أو سائل الغسيل أو المعجون نقص..

الخضار صرت هاللحين أخذها من سوق الخضار بكميات قليلة..تكفيني لأسبوع..ونجيبها كل أسبوع طازة..وما تكلف كثير من السوق..>>أصلاً إحنا معقدين وما نحب كل الخضار..خخخخ

وطبعاً الدجاج واللحم لهم 100 ريال..لأننا ما ناكل لحم كثير..يعني لحم بــ50 ريال يكفي ويزيد بعد..

يجيب لنا شوي مفروم..وكم كعطة لحم قطع للكبسة..و8 ستيكات..وأحياناً يبقون للشهر الثاني لأن لا أنا ولا زوجي نحب اللحم..

والدجاج بـ50 ريال..ونص يكفينا أنا زووجي وأشيل منه لبنتي..

أكثر شي نستهلكة الربيان..وبما إننا بالشرقية يجي رخيص عندنا بشهر الربيان..ناخذ بان أو ثلاجة..تكفي سنة بــ 200 أو 300..

السمك ممنوع يتسوى بالبيت..لأن زوجي يقول حلاة السمك بالجمعة..يعني لازم أكثر من 5 أشخاص عالسفرة عشان ياكل سمك..

فخلينا السمك يوم الخميس أو الجمعة..يا عند أهلي أو عند أهله..×_×


يعني بحدود الــ600..شاملة كل شي..

طبعاً إذا عندي عزيمة أجيب قد اللي أحتاج..ولا أزيد..

مو بخل مني..بس لأن أبو زوجي مديون وزوجي تسلف عشان يدفع الدين..وألحين حنا المديونين..فأحاول أختصر طلباتي عشان نقضي الدين اللي علينا..

وحتى طلعات التمشية والمطاعم خليناها مرة بالشهر..والسوق للملابس إذا أحتجت شي نزلت له..

الله يقضي دينا..وماني متحسفه ولا متضايقة لأنه فك أبوه من دين يمكن يدخله السجن..وكله عند رب العالمين إن شاء الله..






في أمان الله..