انا ارشح منطقة الخالديه اشوف كل الناس تحبها صحيح اهي فيها صاونات بس ماهم زينين غير صالون واحد وكل الي بالخالديه عنده يعني زحمة والزبونه ماتأخذ راحتها من كثر الناس فياليت لو يكون هناك واكيد رح تلاقون اقبال لان الناس تحب التغير اهم شي الي يشتغلون يكون شغلهم زين ومتقن وركزي على متقن واتمنى ان يفتح باقرب فرصة ولازم تخبرينا واكون اول وحده ازوره
وطبعا بالبدايه لازم تكون اسعاركم ارخص من البقيه واعلاناتكم تكسر:angry: الدنيا بسبب الافتتاح :icon28:
بشائر
•
الصفحة الأخيرة
بالنسبة للحمام المغربي.. انا شخصيا ما احب اسويه في اي صالون.. تعرفيين من السوالف الي نسمعها الواحد يخاف.. بس الغالية ليش لا .. تقدروون تضيفون هذي الخدمة لانه واايد حريم وخاصة العرايس.. مايحصلوون ذاك الصالون المميز للحمام المغربي في بوظبي..
والغالية فيه افكار حلوة بعد.. بس يعتمد على حجم الصالون الي بتفتحونه وراس المال..
يعني في الكويت شي صالون وايد معروف.. مخصصين غرفة كبيرة فقط للعروس.. فيه كراسي وحمام (الله يعزج) حق الحمام المغربي وغيره.. يعني يكون لها الخصوصية هي والي ايوون وياها.. غرفة خاصة.. والصراحة الفكرة واايد حلوة.. محد يطمش على مكياجج ولا يوقف على راسج ولا شي..
وبعد في نفس الصالون شي قسم للتصوير.. والصراحة هذي بتكون فكرة روعه لو سويتوها.. مثلا تتعاقدون مع اي محل تصوير معروف مثلا فوتوغرافيا.. انكم تسوون قسم في الصالون للتصوير وتكون عندكم وحده من مصورات الاستديو دووم متواجدة عندكم في الصالون..
والله بتريحون الناس الي عندهم حفلات او مناسبات ويطلعون من الصالون ويتبهدلون لين مايسيروون استديو وغيره علشان يتصورون.. واخر شيء لين ماتوصلين الحفلة يكون شعرج ولمكياج اخترب ..
والصالون الي في الكويت الي ارمس عنه ماشاء الله له اقبال مميز علشان خدمة التصوير..
هذي فكرة و فكرة ثانية انكن تفتحون قسم للرياضة ولليروبكس.. شرات صالون لاروسي الي مهيري سنتر.. والله الحريم والبنات هناك يكونون مثل النمل هههه.. من الزحمة ماتحصلين مكان.. مع الاسف مانحصل واايد من هالاشاء في الامارات..
اممم ان شاء الله تستفيدين من هذي الافكار..
وان شاء الله بنكون عندكم اول الزبائن وان شاء الله بنسويلكم احلى دعاية :)