استفتاء للحوامل الحلوات .. واللي سبق حملوا وولدوا

هلا حبيبتي بجاوبج بس جنه اسألتج واااااايد ؟؟ ههههههههههه :)
نبتدي يلااااااااااا:
ج1/ طلعت التشققات عندي من الثامن لانه خلاص بدى البطن يكبر ويشتد

ج2/ على على لون ابيض وتحك مووووت ودج تحكين بشوك خخخخخخخ بس بعد الولاده تبين عدل وتزيد الحكه

ج3/ انا اسمريت كامل بس ( الرقبه والابط وتحت وبين الفخوذ ) صاروا فحم اسود صافي خخخخخخ بس الحمدلله بعد شهر ونص بدوا يردون طبيعي شوي شوي :)

ج4/ لااااااااااااااااااااا مايروح :( :( حلمتي للحين سووووووووودا :icon33:

ج5/ استخدمت بس زيت اللوز حق ترطيب البشره ,,,,, احسن وعشان اخاف من الكريمات

ج6/ احم احم ,, بصراحه كرشتي تبين ولاسويت شي ولاحتى رياضه كل ماقول بسوي اتعيجز وخبرج البيبي مافيه وقت :)

ج7/ مافهمته عيدي السؤال :)

ج8/ بصراحه هالخرابيط ماستخدمتهم استخدمت بس تحاميل الملح فقط فقط فقط :)



واي شي حبيبتي انا حاضره ( من عيني ذني قبل ذني ) انتي بس اسألي :) :)

نفس الاسئلة - ياريت نسمع اجابات من اهل الخبرة

- متى بالضبط تحسين ان التشققات بدت تظهر... في أي شهر من الحمل ؟

آنا ماصار معاي تشققات الحمدلله لأني كنت استعمل كريم من مذركير خاص للتشققات ونصيحه لا تحكين بطنج مسحي عليه عالخفيف

2- وكيف تظهر هالتشققات على شكل خطوط حمراء وتحكك .. ولا ماتبيّن الا بعد الولادة ؟

بس حكه قرية تذبح وما بين شي معاي بعد الولاده يمكن بس خط الاستواء هههههه الخط اللي تحت السره

3- الكلف وماأدراك ماالكلف .. متى يظهر بأي شهر تحسين المناطق صارت تسمر عندك؟ .. واي مناطق بالضبط لان كل شخص يختلف عن الثاني (الوجة - الصدر - البطن - منطقة مابين الفخذين .. ) ؟

يوووووووووووه الدنيا صرت سوده من قلب مابين الفخذين وتحت الإبط والرقبه وااااااو بس راح تدريجي

4- سمار الحلم اثناء الحمل هل يروح بعد الحمل او لاء؟

والله بالنسبه لي راح بس يبي له فتره

5-هل تستخدمين كريمات ومبيضات اثناء الحمل او لا.. اذا نعم استشارة طبيب او لا؟

لأ ولا شي استخدمت

6- كرشة مابعد الولادة متى تخف وكيف احسن تجربة حسيتي انها خففت لك الكرش اثناء النفاس؟

ما خفت <<<< كبرت الدبل زاد وزني وكرشي كبير والحين مع حملي الجديد الله يستر إذا وصلت التاسع بيقولون هذي حامل ب20 ياهل هههههه

7- هل فعلا تتغير المنطقة المحظورة بعد الولادة تغير فضيع .. او مجرد تغير طفيف وكيف؟

طبعا بعد الخياطه أكيد فيه أثر خفييييييييف بس بعد فترة بيروح

8- سمعت عن كبسولة تضوق عبارة عن بودرة قشور الرمان معجونة بالعسل والمرة .. هل تصلح اثناء النفاس والدورة او لا؟

ما جربت شي بالمره

متى بالضبط تحسين ان التشققات بدت تظهر... في أي شهر من الحمل ؟
من الشهر السابع ونهاية السادس تقريباً

2- وكيف تظهر هالتشققات على شكل خطوط حمراء وتحكك .. ولا ماتبيّن الا بعد الولادة ؟

لا عيوني تبان وتحسين محلهه كأنه محفور وتكون حمراي في البداية وتحكك وايد من نص الرابع
3- الكلف وماأدراك ماالكلف .. متى يظهر بأي شهر تحسين المناطق صارت تسمر عندك؟ .. واي مناطق بالضبط لان كل شخص يختلف عن الثاني (الوجة - الصدر - البطن - منطقة مابين الفخذين .. ) ؟

ناس تظهر عندهم وناس لا آنة الحمل الأول ويهي صار مكروف وهذا الحمل الحمد لله مافي

4- سمار الحلم اثناء الحمل هل يروح بعد الحمل او لاء؟

يخف وايد ومع الوقت اذا ما حملت عليه يروح
5-هل تستخدمين كريمات ومبيضات اثناء الحمل او لا.. اذا نعم استشارة طبيب او لا؟

ابد لا بإستشارة ولا غي ه أخاف موت في الحمل شي يصيب جنيني بعد الحمل أتفرغ لنفسي
6- كرشة مابعد الولادة متى تخف وكيف احسن تجربة حسيتي انها خففت لك الكرش اثناء النفاس؟
ربط الرحم ورف الرجلين على الجدار وما تشربي شي في غازات وقت النفاس ولعبي رياضة من تطلعينمن الأربعين آنة جسمي رجع طبيعي

7- هل فعلا تتغير المنطقة المحظورة بعد الولادة تغير فضيع .. او مجرد تغير طفيف وكيف؟
تغير واضح بس ما يضر وبإستدام الملخ للعلاج يكون كل شي أوكي
8- سمعت عن كبسولة تضوق عبارة عن بودرة قشور الرمان معجونة بالعسل والمرة .. هل تصلح اثناء النفاس والدورة او لا؟
ما جربته للأسف ولا عندي أي خبره عنه

وأي سؤال ثاني حاضري بس خففي اشوي خخخخخ

يابعدي والله كلكم

أختي شوكلااااة
ضاق صدري يوم قلتي سمار الحلم للحين ماراح ... لية ماتجربي تستخدمي كريمات خاصة للحلم ..تفتيح وازالة كلف على الاقل اذا ماراح يخفف :)
بالنسبة لسؤالي عن المنطقة المحضورة بعد الولادة .. كنت اقصد هل تحسين انك تغيرتي مو زي أول ولا الفرق بسيط مايذكر ؟ هذا كان قصدي
وتسلمين قلبي على الرد ادري اسئلتي غثيثة بس تعرفين ماعندنا خبرة خلونا نستفيد


---- يسلموا دكتورة على الرفع ... ويسلم لي مرورك -------


الاخت فروووت الحال من بعضة :(


------ مامتو لحامدينووو ---------

يختي اسمك عجبني ...كني ادلع ولد اختي الصغير حمودي

وش اسم الكريم اللي استخدمتية من مذكير وكم سعرة وكم مرة تدهنين جسمك في اليوم ؟
وهل انتي كنتي من اصلك مليانة ولا نحيفة
ياقلبي وسعتي صدري يوم قلتي ان سمار الحلم راح .. لان اللي عندي كانت بيج فاتح وكنت افتخر فيها عند خواتي ... لون الحلم عندي مررة فاتح .. بس الحين ماودي اشوف لونها .. كنها قهووة تركية بدون رغوة :) .. كل شي يهون عندي الا الحلم ابيها ترجع بأي شكل

ويسلموا قلبي على الرد

----------الحي الريفي -----------

قلبي شلون نستخدم الملح ... كغسول وقت النفاس قصدك ؟
طيب وش سالفة الغسول بالمرة ..

بالنسبة للف الرحم .. قصدك المشد ؟... مايعوّر وقت النفاس ..خاصة ان المنطقة تكون على الاخر مرتخية وتألم
مدري اتخيل كذا .. متى الواحدة تبداء تلبس المشد ؟

يسلم لي قلبي مرورك


نشوفكم --------------------------------------------------