استفتاء : ما الذي أعجبك في زوجك حين تقدم لك ؟؟

بصراحه....لصغر سني..ماكان عاجبني..وماكنت ابي اتزوج..ومرعوبه لأخر لحظه

لكن بعدين اعجبني فيه دينه وهذا شي مهم واساسي

بعد كذا اخلاقه العاليه فوق فوق..

وطيبته وصبره ومحبته لي بأخلاص

وآخر شي المال بالنسبه لي..قد يكون مهم واساسي..بس مافكرت فيه

وسلاااامتكم

وعليكم السلام ورحمة الله وبركاته:
اول شيء اعجبت فيه هو حرصه على والده ورضاه قبل اي شخص اخر والتزامه واطباعه ومعرفتي بتعامله وعلاقاته مع الاخرين..الجمال عادي والحمد لله وماله هادي الاهميه بالنسبه الي...المال اموره الماديه متوسطه والحمد لله
الدين والاخلاق العاليه هيه اللي بتبقى اما الجمال والمال ممكن يروح...
تحياتي.....

كله..يعني الدين..العايلة..السن..الدراسة..الوظيفة..المستوى الاجتماعي والاخلاق طبعا.. واخر شي الشكل والحمدلله زوجي شكله حلو

اول شي احنا تزوجنا بعض عن حب وللعلم الشي الي خلاني احبه واقبل اتزوجه هو
اخلاقه الي نادره في هالزمن وطيبته وهو حنون لاقصى الحدود
ودينه الحمدلله الكل كان يمدح فيه وبتدينه وبصلاته وعلاقته بأهله
عائلته هي نفس عائلتي وهي اكبر عائله في بلادي يعني قبل اسمه لقب وبعد انا قبل اسمي لقب وطبعا احب اتزوج واحد مثلي
الشكل عمري مافكرت فيه ويوم حبيته وحبني ماشفته ولاهو شافني لكن هو طرشلي صورته وبصراحه صدمني في شكله لانه وسيم جدا وكأنه ملك
المال مافكرت فيه ابدا مع انه قالي عن مشاكله من هالناحيه لكن الحمدلله حالتنا ممتازه جدا والشي الي ماخلاني افكر بمشاكله الماديه هو حالتي الماديه الي احسن من ممتازه والحمدلله

انا عجبني فيه .. قلبه الابيض .. يعني انسان غير حقود وما يحمل لاحد كره ولا يفكر الا بالخير للناس .. اخلاقه عالية ويحترم الناس .. كلامه لبق ورقيق وحنون .. ما كان ملتزم لما خطبني لكن كنت متأكدة ان انسان يحمل هذه الاخلاق راح يتأثر بالنصح لانه انسان غير مكابر ..
اضافة طبعا الى المركز الاجتماعي والمادي والاسرة الطيبة التي اتى منها ..
صدقوني احسهم مثل اهلي .. الله يخليه لي ويخليني له ويوفقنا

قولو ماشاء الله