حبيبتي عادي مافيها شي...

انا بصراحه احس الي ما تخلي الشغاله تلمس عيالها بتنقهر الشغاله ... يعني وش فيني عشان ماتخليني اسولف معهم... بالعكس انا ما احب الشخص يعامل الخادمه انها منبوذه ...

والواحد ما يثقل عليهم... انا بنتي معي طول الوقت .. لكن لما اروح الدوام اوديها عند اهل زوجي مع وجود االخادمه يعني لازم تكون تحت المراقبه....

والحمدالله الخادمه تححححب بنتي مرررره ماشالله الله يتمم عليها....

مافيها شي تمسك بنتك تحت مراقبتك

ليه ؟؟ لايكون الشغاله مش خلقة الله ؟؟

اغلبنا شغالاتنا مسلمات و لله الحمد

و ارد اعيد ان طول ماانا احسن معاملتها ماراح تضرني باذن الله

معتبرين الخدم ناس تشتغل و ماعندها احساس ولا مشاعر وش دعوه ياناس صفوا النيه مهما يكون هم تراهم اوادم

واذا عالحوادث اللي نسمعها ترا وراها اسباب .. و رجعت اغلب اسبابها الى المعامله السيئه

فيهم اللي حرقت شغالتها بالمكواه و الثانيه حارمتها تكلم اهلها و ماتعطيها راتبها عشان كذا انتقموا منهم ؟؟؟

ومثل ماقالت الاخت زوجه وام .. ليه تعتبرون الخادمه منبوذه تتكلمون عنهم كنهم ظلام و مجرمين ؟؟

اجل ليه جايبينهم ؟؟

وبعدين اذا تقولون ماعندكم شغاله .. لوسمح الله مرض واحد من لعيال نصف الليل و نويتي تودينه للمستشفى باقي الاطفال النايمين تتركينهم مع من ؟؟ معقوله اروح مدينه ثانيه اوديهم عند اهلي ؟؟؟

حياة الامومه

قلتي بعض الخدم .. فعلا بعض الخدم وليس كلهم

بس احب افيدك اذا تقولين ان بعضهم مهما تحسنين لهم يقابلون الاحسان بالاساءه فهذي انا اعتبرهم حالات مرضيه مش طبيعين يعني تقدرين تكتشفينهم و تتفادينهم من البدايه

وياجماعه اللي تشوف بانها قادره تهتم بالبيت و الاطفال و الزوج يعني من تربيه و طبخ و نظافه مكان و نظافه شخصيه و تخصص وقت للترفيه و للتدريس و لمقابلة الزوج و ايضا وقت للعلاقات الاجتماعيه وزيارة الاهل من غير خادمه وبتوفي كل هالمتطلبات على اكمل وجه فهذي تستاهل تاج على راسها !!

لانه لايمكن تقدر الوحده منا تقوم بكل هذا من غير مساعده ..

واللي تقول الشغاله بس لشغل البيت وماامنها على بنتي فانا اقول ان الشغاله اذا بتضر و فيها بلا فممكن تضرك من غير ماتمسك بنتك ؟؟

الضرر يمكن يجي من طرق عديده.. واذا تعتقدون انكم متحملينهم فيكفيكم شر البلا اللي متحملينه ......!!

قلم رصااص
حلم وردي6
أم دحيمان
زوجه و أم
يعطيكم العافية و الله لا يحرمني منكم و من ردودكم .. و يحفظ كتاكيتكم يا رب ..
بس بصراحة شيء محير

عزيزتي شمــــــوخ أنا معاك في الكلام اللي قلتيه و يعطيك ألف عافية يا رب ..

بس يا الغالية والله انا مجربة الخدامات اللي جوا عندي الله شاهد علي كيف أعملهم والله كل شيء يبونه عندهم قسما بالله العظيم ان الخدامة اللي عندي تأكل كل شيء في البيت مع العلم اننا نجيب لها معانا و ما عمري حاسبتها على أي شيء تأخذه أو تأكله والله رايحه تقول لخدامات الثانيات ان المدام تقفل على الثلاجة و ما تخلين أكل شيء و جت قريبتي و قالت لي وش دعوة مقفلة الثلاجة على الضعيفة ؟؟ والله والله والله ما قد حرمتها من شيء .. بالله وش تسمين هذا التصرف ؟؟ ... وهذا ابسط مثال على مقابلة الإحسان بالإساءة .

و أختي الصغيرة والله هادية و لا لها صوت و عمرها 7 سنين جت لأمي تصيح تخيلي الشغالة مخربشتها بأظافرها و طالع منها دم جت امي قالت لها ليه سويتي كذا قالت لأنها مو مؤدبة و طبعا على طول سفروها مع العلم ان مو من مسؤليتها انها تنبه لأختي بس شوفي النذالة .. و غيره كثير و لو بتقولين يبان عليهم ان فيهم حالة مرضية والله مو مبين شيء عليهم و كلهم مسلمات ..

و بالنسبة لي زي ما تفضلتي و قلتي أنا ما أقدر أسوي كل هذي المسؤليات و الواجبات فمضطرة أستعين بخادمة و الصراحة جبتها للعمل المنزلي فقط مو لتربية أطفالي بس اذا انا متأكدة من الخادمة 100 % ممكن أعطيها اطفالي و أنا موجودة في انشغالي بطبخ و غيره .. و عموما اختلاف الآراء لا يفسد للود قضية ..

لالالالالالالالالالالالالالالا
و الله يعنيك على تربيتها و يحفظ لنا اولادنا