لا عيب فشله

هي حلوه الفكره علشان تعرفين ان هاليوم لازم تجهزين نفسك فيه

بس بصراحه عيب اقولهم تعالو في هاليوم

مع احترامي للجميع اعرف وحده بغت تسوي كذا بس امها مارضت ،، استحت امها انها تقول للناس ان فيه ايام تحديد

حنا من اول والحريم يتفقون يجون مع بعض منه تسلم ومنه تشوف معارفها الباقين وعادة بعد العصر او المغرب وخلاص يستحون لأن ما بعد الوقت هذا إلا العشاء
فهذا النظام عندنا ماهو شي جديد
والحمد لله على البساطه قهوه وتمر ومعمول او كيك او شوكلا وصلى الله وبارك
أصلا الضيفه تجي ومعها بتي فور ولا كيك ولا معجنات وقهوتها والشاهي وشراب للنفاس بعد والنفاس يالله انها بنفسها
الحمد لله عندنا تعاون ومساعده لبعض لأنك بعدين بتحتاجينهم ويحتاجونك

انا اعجبني رد الاخت مدام جديدة واضيف عليه انا اذا ولدت خالاتي وعمتي يجوني بااي وقت يناسبهم عادي بس التحديديكون للجيران والاصدقاء واصدقاء العائلة يعني ماهوب للقرايب واصلا الحين اغلب الناس ماصارو فاضين الا يوم الخميس فطبيعي تجيك مجموعه مع بعض..وانا ماادري ليش اغلب البنات مسوين مشكلة ضد البذخ بالاستقبال الحمدلله مافيه شي يرمي بالزباله وبعدين على فكرة انا اعرف الي يحطون مبالغ بالاستقبالات الحمدلله يارب مايقصرون بالصدقات والزكاة والتبرعات..

انا اقول كل وحده حسب عادتهم اللي قرايبهم اصلا كذ
ومجتمعهم تسوي زيهم واللي الوضع عندهم عادي يجون بدون تحديد
خلاص تسوي مثلهم واللي تعبانه صراحه تعتذر واهم شي الواحد مايجامل على حساب نفسه

بصراحة ومن تجربتي المؤلمة في نفاسي الأول... أنا مع التحديد ... مو عشان المظاهر والتكلف... عشان راحة الأام ...

لأن البعض تتعب في نفاسها أكثر من تعبها في حملها... ( وأنا وحده منهم )

وبعض الحريم الله يهديهم .. تجي في أي وقت.. وتطوووووول بالجلسة... من غير الكلام اللي ماله داعي .. من تعليقات على المولود أو أمه... التعليق على اسم المولود .. وأسئلة مالها أول ولا آخر..

ولا تنسون أن النفاس تعتبر مريضة... وياليت يراعون آداب زيارة المريض...

أنا لو الموضوع بيدي ... ما أستقبل أحد إلا بعد اسبوعين .. إلا الأهل طبعاً... وبعدين الله يحيي اللي بيجي ... على الأقل اكون ارتحت من تعب الولادة .. وقدرت أخدم نفسي وبيتي...


ومو كل نفاس مرتاحة ... الله لا يوريكم اكتئاب وضيقة وسدة نفس ... يعني وحام متأخر بمعنى الكلمة...


هذي تجربتي اللي ما أنساها... وصرت ارحم كل نفاس وأتمنى ما تشوف اللي شفته...



الله ييسر لي حملي وولادتي .. ويسهل نفاسي....






مع كل الود ............................ :)