استفتاء: هل تؤثثين منزلك مراعية حاجات زوارك أم حاجاتك ؟؟

سؤالك مرررررررة عام
يعني انا أكيد أحط في بالي استخدام العائلة ككل أنا وزوجي وعيالي بالإضافة للضيوف طبعاً
يعني وقت التصميم
أحط في بالي حوش للعب الأطفال يكون آمن وبعيد عن الأماكن الخطرة كالمسبح أو ركن الشوي غرفة السائق .
كمان أحط في بالي غرفة داخل البيت لألعابهم ومكان لمذاكرتهم ولاحتياجات كل واحد فيهم ،
كمان ما أنسى نفسي أنا وزوجي فأحط تصميم الجناح الرئيسي بما يتناسب مع احتياحاتنا ومالي شغل بالناس يعني مثلاً جرت العادة إن المكتب يكون بالدور الأرضي وغرفة النوم الرئيسية تكون كبيرة مرة بحيث تتسع لجلسة تلفزيون لكن أنا طلعت المكتب عندي لأني أنا اللي أستخدمه مو زوجي وأحب إني أكون قريبة من عيالي وقت ما أنا في المكتب وخليت بالمكتب نفسه جلستنا بالتلفزيون لأن مواعيد نومي ونوم زوجي مختلفة بحكم عمله في أرامكو فصارت غرفة النوم الرئيسية تتسع فقط لطقم السرير بالإضافة لكنبتين صغار بجانب الموقد مثلاً ولا راح أحط تلفزيون فيها .
كمان جرت العادة إن الأطفال كل واحد يكون له غرفته المستقلة لكن راعيت احتياتي واحتياجاتهم وقررت أحطهم الثلاثة بغرفة واحدة كبيرة بحيث تكون فيه غرفة ثانية للمذاكرة كمكتب لهم عشان أشرف عليهم وقت حلهم لواجباتهم بدل ما أتشتت بين الغرف ، وغرفة لألعابهم عشان اللي خلص واجبه بس هو اللي يطلع من غرفة المذاكرة وفيها حمامها ودولاب لأدوات المدرسة من دفاتر وأقلام زايدة وما إلى ذلك

ووقت التأثيث
أأثث كل غرفة على حسب استخدامها يعني غرفة المعيشة أحط أثاث فخم وراقي لكن بنفس الوقت قوي وآمن لوجود الأطفال
أما بالنسبة لغرف الاستقبال والضيوف فعادي أحط الشيء الراقي والموضة واللي بنفس الوقت داخل مزاجي يعني حل وسط بيني وبين ضيوفي .. لكن مستحيل أبداً أبداً أبداً أقدر أحط أثاث يعجب كل ضيوفي لكن ما أشوف إن الوحدة إن ما أعجبها تأثيثي معناتها ما عندها ذوق لأ المسألة وما فيها إن الناس أذواقهم مختلفة وحتى مصممين الديكور كل واحد وله ستايله الخاص فيه ولا يقتنع بستايل غيره .

أدري طولت عليك لكن حبيت أعوض عن تأخري بالرد عليك في موضوعك الثاني :17:

السلام عليكم ورحمة الله

اهلا يا ملوكتي ... وكل عاو انت بخير بمناسبه العيد انت وبقيه الاعضاء

اسفه لتاخري في الرد لكني لم اكن موجوده في منزلي طوال فترة الاجازه

بالنسبه للاجابه ..

فانني ااثث منزلي على حسب احتياجاتي وذوقي واحتياجات الضيوف وليس ذوقهم

وساعطي كل ذي حق حقه ..فاللضيوف نسبه كبيره من الاهتمام عند الثاثيث والاصحاب البيت نسبه اكبر من الاهتمام

ولا اهتم بما سيقوله الاخرون ابدا ...لانني اريد منزلي كما اريد انا وليس كما يريدون..
وعند التاثيث سيكون الطابع الكلاسيك هو المهيمن على اثاث الضيوف ...والمودرن هو لقسم العائله حتى يسهل تغيير الاثاث من حين لاخر

هذه اجابتي باختصار ......

ولكم منى احلا سلام

اكيد على ذوقي حتى مجالس الضيوف على ذوقي بس احاول يكون المكان مريح للكل ويعجب الاغلبيه
ويلبي حاجتهم يعني يقتصر مكانهم على مجالس الضيوف ومرافقها وبس

وبالتوفيق :26:

..

.

اهتم باحتياجاتي انا وزوقي انا لان هذا منزل عمري