استفدت منها بنفسي وحبيت من قلبي والله الشاهد

مرحبا ........واهلا وسهلا بكل البنات اللي دشو الموضوع

بنات انا الجمعه اللي طافت سويت وصفه والله العظيم وااايد حبيتها واستفدت منها

سجلو المقادير عندكم :rotaeye:

3 ملاعق كبيرة حنة مطحونه
ملعقه ونص كبيرة اس مطحون
ملعقة كبيرة محلب مطحون
2 ملعقة صغيرة قرنفل مطحون
2 ملعقة صغيرة حبة البركة مطحون
عصير ليمون واحده ......... للشعر الدهني
ملعقة كبيرة خل تفاح
نص علبة زبادي صغيرة
ملعقة صغيرة عسل طبيعي


هذه هي المقادير سهلة ومتوفرة بكل منزل والاس المطحون جيبوه من عند العطار

ادري يابنات كثير منكم يكرهون الحنه حتى انا والله ماحب ريحتها ومن سنين طويله ماسويتها بشعري

بس والله انها مفيده للشعر والفطريات القشرة واللمعان

واذا اتبعتم طريقتي والله ماتبين ريحتها بالشعر الا خفيف مررره

انا قبل مااسوي الخلطة بيوم واحد اللي هو يوم الخميس

نخلت الحنه والاس ...........خليتهم ناعمين ومافيهم اي شوائب عشان يكون في سهوله بغسل الشعر

نبدا بالخطوات يوم الخميس العصر غليت كركديه في الماي طبعا وخليته يغلي ويغلي ويغلي وبعدين خلاص طفيت النار

وخليته يدفى شوي وغطيت عليه

الساعه 12 الليل :time: صفيت ماي الكركديه وحطيت فيه كل هالمكونات بالتدريج طبعا مع ضربهم بالملعقه حق الكيك

3ملاعق كبيرة حنة مطحونه
ملعقه ونص كبيرة اس مطحون
ملعقة كبيرة محلب مطحون
2 ملعقة صغيرة قرنفل مطحون
2 ملعقة صغيرة حبة البركة مطحون
عصير ليمون واحده ......... للشعر الدهني
ملعقة كبيرة خل تفاح
نص علبة زبادي صغيرة
ملعقة صغيرة عسل طبيعي

وطبعا لازم يصير الخليط متجانس مو خفيف ولا ثقيل يعني مثل الروب المخفوق

وبعدين رحت انام

يوم الجمعه الساعه 11 صحيت من النوم وتسبحت وسبحت شعري طبعا وسشورته عشان يتسهل عملية وضع الخلطة على الشعر

وخليت اختي تلبس قفازات حق المطبخ وتسوي الخلطة على شعري وبعد الانتهاء حطيت عليها طاقية بلاستيك لمده ساعتين وبعدين شلت الطاقيه وحطيت شيله سوده طبعا ماتكوني محتاجتها وخليتها 4 ساعات زياده بشعري

يعني كل المده 6 ساعات

وقبل ماادخل اتسبح بساعه وحده خلطت سدر وكركم الجسم مع ماي وخليت المخلوط متجانس مثل الروب المخفوق

وحطيته على جسمي وبعدها بساعه دخلت اتسبح

طبعا سبحت شعري وجسمي بدون شامبو ولا صابون بس غسلت شعري عدل عدل عدل وهنا تجي ميزة نخل الحنه قبل استعمالها تصير من غير شؤائب

وطلعت من الحمام بخرت شعري وخليته ينشف طبيعي بعدين سويت له زينت السمسم وركزت على الجذور والاطراف

ونمت فيه واليوم الثاني سويت مره ثانيه زيت السمسم وغسلت شعري بالليل بالشامبو وجسمي بالصابون طبعا

والله يابنات ان شعري ماشالله تبارك الله فيه لمعه حلوة ونعومه وريحته بعد حلوة انا الحين بعد كل دش ابخر شعري عشان ريحت الحنه والله ان الريحه وااايد خفيفه وماتكون موجوده الا وهو مبلول وبمجرد اني ابخره تروح الريحه مباشره
وعلى فكرة الريحه المسيطره بالخلطة هي ريحه القرنفل

وانا ناوية اني اسويها كل جمعه من الشهر الاول

وكل جمعتين من الشهر الثاني

وبعدين كل شهر مره

ان شالله ........ والله اني حبيت انكم تستفيدون منها مثلي ادري اكثر البنات عندهم تساقط وجفاف وووو الخ

والخلطة والله زينه للجفاف و تخلي لمعه ونعومه بالشعر وان شالله توقف التساقط انا للحين احس خف التساقط بس بنسبة بسيطه بس ناوية استمر عليها ان شالله

وميرسي للكل :26:


واي سؤال انا حاظرة :27: