استفساراتكم عن دبي

السلام عليكم  .. باخذ رأيكم تكفين : انا بزور دبي ان شاءالله الاسبوع القادم وبنجلس اسبوع وهالاماكن مفكره ازورهم فقولي لي رأيك وخاصة اننا عائله ( انا وزوجي وطفلين سنه ونص / 3 سنوات ) ؟  




فتره الصباح : 
اتنلانتس / الصعود لبرج خليفه / حديقة الممزر ( حديقة فيها شاطئ وشاليهات هل تنفع للعوائل وهل فيها فعاليات )) ؟؟؟؟
  / حديقة الخور  / سوق مدينة الجميرا التراثيه والبراجيل والممرات المائية وركوب القارب  /فستيفال ستي مول / فيراري ابو ظبي  واحتمال الغيه لانه ماراح نستفيد حسب وقتنا واطفالي صغار ومانحب المغامره مرا فراح اخليه عالاخير




المساء : 
دبي مول  والنافوره الراقصه وسوق البحار  / جي بي ار  / مول الامارات  / القريه العالمية / قرية البوم وتطل على خور دبي وفيها عشاء وفيه كمان غداء
 / مول برجمان 

الاماكن هاذي مفكره ازورها انصحيني اللي ماتستاهل قولي لي عشان ألغيها او لو فيه اماكن تستاهل اذكريها لي واشكرك ياقمر

شوفي حبيبتي

حديقة الممزر: فيها شاليهات تاجير يوم كامل من ١٥٠-٢٠٠ درهم تقريبا، حلوه الحديقة وقريبة عالبحر ممكن يسبحون فيها

حديقة الخور: حلوه بعد وداخلها مدينة الطفل مدينة تعليمية بينبسط فيها ولدك + فيها عرض ديلافين والفقمة وهالسوالف بس في وقت معين للعروض الافضل تدخلين موقعهم وتشوفين الاوقات لانه في ايام مافيها عروض اسمه
dubaidolphinarium

اتلانتس: هو فندق وفيه العاب مائية وبعد تسبحين مع الديلافين بس ماعندي فكرة عن الرسوم

برج خليفة ودبي مول وسوق البحار و بوليفارد محمد بن راشد: هذا كله في مكان واحد، البوليفارد فيه مطاعم وممشى حلو العصر او المساء تروحيله تتعشون فيه.

مدينة جميرا وميناء السلام: فيها مطاعم وممر مائي بس مافيها العاب للاطفال يعني يبيلكم فيها ساعة تشوفونها مو اكثر . هي شبيه لسوق البحار في دبي مول

فستيفال ستي : حلو بعد فيه ممشى برع عالخور ومطاعم ومحلات

قرية البوم : تقدرون تركبون القارب وتتعشون فيه بس الصراحة اكلهم مو ذاك الزود. وفي قريب منها مدينة العاب اسمها وندرلاند هذه لا تروحولها نصيحة لانها قديمة واخر مره رحتلها يمكن قبل عشر سنين واغلب الالعاب ما تشتغل

عالم فراري: حلو بس يمكن يكون غالي شوي لشخص الواحد ٤٠٠ درهم تقريبا وانتي تقولي ولدج عمره ٣ مافيها العاب كثيرة لعمره بس ممكن تزورون ياس مول في ابوظبي قريب من عالم فراري مفتتحينه من شهر وثاني اكبر مول بعد دبي مول.

جي بي ار + ذا بيتج + مرسى دبي + دبي مرينا مول : هذيلا كلهم قراب من بعد. فيهم مطاعم وممشى لا تفوتينه حلو تروحون العصر او بالليل

مول الامارات بعد حلو وفيه سكي دبي: تتصورون مع البطاريق وتلعبون بالثلج

القرية العالمية: هذه عاد لازم تروحولها فيها كل شي من مطاعم والعاب للاطفال وسوق. القرية تفتح العصر لانه لاحظت كثير يروحولها الصبح وينصدمون انها مسكره. تقريبا ٤ العصر تفتح


حديقة زعبيل: اجدد عن حديقة الخور والممزر وحلوه بعد

دبي ميراكل قاردن: حديقة مصممه بطريقة حلوه وكلها زهور لازم تشوفونها اسمها
Dubai miracle garden
شوفي صورها على الانترنت

ستي ووك: ممشى قريب من دبي مول وجميرا مو طويل وايد فيه مطاعم حلوه يعني تقضون فيه بالكثير ساعه او ساعه ونص

سوق التنين ( السوق الصيني): فيه كل شي يخطر على بالج من بضاعة واذا ما تبغون تروحوله عندكم القرية العالمية كفاية.

مركز ابن بطوطة: تصميمه حلو وغير عن المولات الثانية

مركز برجمان: لا تروحيله مافيه محلات كثيره والمحلات اللي فيه موجوده في باقي المولات ويسوله صيانة وغيره

مردف ستي سنتر و ديرة ستي سنتر : حلويين بس المحلات مكررة موجودة في دبي مول ومول الامارات . اذا عندكم وقت روحولهم.

اذا حابين تروحون اماكن تراثية في عندنا قرية التراث في الشندغة وبعد منطقة الفهيدي ( البستكية سابقا) في بردبي قريب من الخور

واخيرا شارع جميرا فيه مطاعم وكوفيات ومحلات وعيادات ومراكز ، احلاهم مركز مركاتو ممكن انكم تزورونه اما باقي المراكز على شارع جميرا ما انصحج تزورينهم لانهم حقنا نحن سكان دبي نروح ناخذ غرض من محل معين ونطلع من المركز. مو حق تمشية يعني دام انكم بتقضون اسبوع بس


هذا اللي يحضرني حاليا

اذا عندج اي سوال انا حاضرة

الحين عندنا مهرجان دبي للتسوق

يعني في فعاليات وتنزيلات في كل المحلات

عطيني وصف للبوليفارد وينه بالضبط عن فندق العنوان لاني لما رحت قبل ماعرفت اروحله ومشكوره حبيبتي على هالموضوع

في فندقين العنوان

واحد اسمه العنوان دبي مول وهو لاصق في دبي مول

وواحد اسمه العنوان داون تاون

وكلهم قراب من دبي مول والبوليفارد

العنوان داون تاون على شارع البوليفارد

هذا الشارع يحيط بدبي مول وبرج خليفه

شكله نص دائرة

فيه مطاعم