استفسارات لمن حملت خارج الرحم والمجهضات

السلام عليكم

اخواتي الطبيبة شخصت حملي احتمال ان يكون خارج الرحم ولكنها لم تجزم

اخر دورة عندي تقريباً في 26 يناير

حللت الاثنين الماضي ( قبل اسبوع ونص ) وطلع ايجابي

يوم الجمعة بالليل تحركت في مشوار بسيط لايزيد عن نصف ساعة ورجعت البيت ولون الافرازات اصفر غامق

يوم ثاني لقيت خيوط دم مع الافرازت

على طول رحت لدكتورة المستوصف الخاص وعملت لي سونار خارجي وجدت كيس صغير جداً حسب كلامها حتى غير قابل للقياس

اخذت تحليل حمل رقمي وطلعت النتيجة في حدود 434 وكسور يوم الاثنين اخذت القراءة الثانية

والاربعاء اخذت النتيجة وطلعت 421 وكسور يعني قلت

دخلت عند الدكتورة استغربت الانخفاض

اتقول عادة لو اجهاض ينخفض ويوصل ل 50 او 100 بس انه ينخفض بهذا المقدار اخاف انه حمل خارج الرحم

وعملت لي سونار من جديد وما شافت شي حتى الكيس الصغير مافيه

حولتني على طول للمستشفى

ورحت لهم

عملت لي دكتورة الاسعاف السونار العادي ولا طلع اي كيس

وعملت لي قراءة للهرمون وطلعت حدود 413 يعني نقص عن يوم الاثنين مقدار بسيط

المهم نوموني

والصبح عملت لي دكتورة باكستانية سونار مهبلي وشكلها متضايقة من دكتورة الي الواجب تجي وتشوفني

المهم عملت سونار وفي الاخير قالت وهي تتكلم مع الممرضه شكله هذا كيس

وانتهينا على كذا

كأنها شافت خيال كيس ولا حتى اخذت صورة

المهم على الساعة 10 جاني دكتور ودكتورة واسئلة وكلام

في النهاية قالت على حسب كلام الطبيبة في الصبح انها شافت كيس وشكله في المبيض الايمن

( يعني كلام في الهواء مو جزم )

اتقول حسب قراءة الهرمون القراءة قليلة وبما انها تنقص فالحمل ان كان داخل الرحم او خارج الرحم هو منتهي

بس ننتظر ينزل بنفسه

ومافي خوف عليك من انه يكون خارج الرحم لأن الهرمون قراءته بسيطة احنا نخاف من لو كان الهرمون فوق 1500 ومافوق

خرجتني وعطتني موعد الاثنين واجي الاحد اخذ قراءة للهرمون

يعني زبدة الكلام حسيت ان ما احد عطاني كلام اكيد

والشي الثاني انا الدم مو كثير مجرد لما احط الكلينكس اختبر نفسي اسوف افرازات معها خيوط دم

ومو كثير

ولا كل مرة ادخل الحمام وانتوا بكرامة اشوفها

ما زال عندي امل متخيلين :)

وما زلت اتمنى ان كلامهم مو صحيح

للمعلومية انا خلال هذي المدة ماحسيت بألم في جنب دون الثاني

اليوم احس الم بسيط مررررررة في جنبي اليسار جهة المبيض يروح ويجي

ونفس الوقت احس في جنبي اليمين

ما زلت احس ان في الرحم فيه جنين فبعض الاحيان احس مثل الشد والتحجر شوي

يعني اشعر بالحمل وصدري فيه الام الي تصير للحامل

واحس كأن اللباس الداخلي لما يشد شوي على البطن احس فيه شي

في سجود الصلاة كذلك

اليوم مرة ما شفت دم

محتارة ومفوضة امري لله

ابي خبارتكم بنات

منو صار لها مثلي ؟؟

منو قالوا لها انه حمل خارج الرحم وطلع كلامهم خطأ ؟؟

بالنسبة للهرمون هل هذا النقص طبيعي

هل في احد نقص عندها الهرمون واستمر الحمل ؟

ابي اجاباتكم