استفسارات مهمة حول الحاق الزوجة السعودية بالابتعاث الله يجزاكم خير ساعدوني

زوجي ولله الحمد نزلت بعثته بعد ثلاث شهور من الآن..يعني راح يسافر انا وياه لدراسة الماسترز في خلال ثلاث شهور

الحاصل اني انا حاصلة على بكالوريوس وابي ادرس معاه ماجستير تخصص اعلام او اي شيء يتيسر ولازم ضروري نسافر مع بعض

ماادري الآن وش اللي لازم اسوي ووين اروح اطلاقا...

وش الوثائق اللي لازم اقدمها عشان التحق بالبعثة مع زوجي

ووين اقدمها اقدمها هنا في وزارة التعليم العالي والا في الملحقية من هناك في بريطانيا؟؟

وهل بيستغرق ذلك وقت طويل؟؟

وكيف اقدم على قبول في احدى الجامعات هناك هل اقدمه عبر الانترنت ولا كيف؟؟

اسئلة كثيييييييرة محيرتني واتمنى وحدة منكم تساعدني في حلها لأني ادق على رقم وزارة التعليم العالي ولااحد يرد علي

والموقع حقهم كاتبين اللوائح بصيغة عمومية يعني مافيها تفصيل وين اروح بالضبط وين اقدم وهل اجي انا بنفسي ولاكيف..
ساعدوني ياحبيباتي الله يرضى عليكم