استفسار

هلا عزيزتي (:
كل عام و أنت بخير (:
بالنسبة للهدية ممكن :
ساعة فخمة ماركة من الحميضي أو الدهام ..
ذهب أو ألماس أو أحجار كريمة : طقم أو تعليقة أو خاتم أو حلق أو اسوارة حسب الميزانية ..
طقم مكياج كامل من ماركة مضمونة..
شنطة ماركة مع المحفظة ..
نظارة شمسية ماركة ..

و ألحين الإبداع يكون بطريقة التقديم و هذي أفكار يارب تعجبك ..
ممكن مع الهدية ترفقين :
1/ باقة ورد كبيييرة بحرفها .. وخلي ربطة الباقة بشريطة عريضة مطبوع عليها مبروك و ممكن بيت شعر على الشرايط النازلة :
ألف مبروك صاحبي وين ما كنت .. يزف لك نبض الخفوق التهاني
ألف مبروك كثر ما بي تمكنت .. كثر الغلا اللي في الضلوع المحاني 



2/
صندوق اكسسوارت و مجوهرات و ساعات .. و تنفع وحدها كهدية مفيييدة .. تلاقيها بسنتر بوينت أشكالها حللللللللوة غير اللي بالصورة ..
و فصلي لها تعليقة ذهب ..تكون التعليقة بحرفها و حرف زوجها أو اسمها و نازل منها أرقام سنة الزواج أو تاريخه ..ارسمي التصميم اللي تبين و وديه لصاحب المحل أو قولي له فكرتك و بيساعدك ..
و ممكن حلق بنفس الفكرة .. و ممكن اسوارة اللي تجيك سلسال و نازل منه أشياء ظريفة مثلا: قلب و كعب جزمةو عروسة و وردة و تاج ..وحروف اسمها و حروف اسم العريس بعد لو ودك ثم نزلي من ضمن الأشياء بحيث تكون قريبة من جهة القفل اللي يسكر السواره : دائرة فيها سنة الزواج أو التاريخ ..

3/إذا هي تحب نوع شوكولاتة معينة .. سوي لها مثل هالشكل عند محلات الكيك اللذيذ مثل سعد الدين و الشيف ..

و ممكن لو تبيها مميزة أكثر تسويها بمثل هالأشكال بتطلع خطيييييرة و ماراح تنساها أكيييد (:



و هذي بعد بالونات للتزيين لو بتقدميها لها مفاجأة بغرفة بالبيت

إذا أنت بالدمام و ودك فيها علمتك وين تنباع .. و الكيكة بعد أعرف وحدة تسوي أشكال كيكات توديع العزوبية خطيييرة ..


4/  ممكن تشتري غرشة عطر كبييييييرة أهم شيء حجمها مناسب و فيها مساحة مستوية بحيث تقدرين توديها محلات اللي يطبعون عالأكواب و التيشيرتات و تخليهم يطبعون عليها بيت شعر أو أي كلام حابة تهديه لها .. و لو تقدرين تجيبين صورتها وهي صغيرة فيااااااسلاااااام .. اطبعيها عالغرشة.. و بتطلع تحفة خطيييييرة ..
و بعدين عبيها بعطر تحبه من نكتار أو زهور الريف أو محلات العطور الجملة اللي يأخذونها بالزواجات و يعبون منها التولات ..
و طبعا كلمي أو روحي للمحل إذا ينفع يطبع على الزجاج للعطر أو لازم خامة معينة مثل السراميك و كذا ..
و حطي الغرشة بعلبة كشخة مليانة ورد طبيعي أو مجفف ..

و معها طبعًا الهدية الأساسية (:



دعواتك (؛

مبروك والله يتمم عليها ممكن تهديها علبه فيها كل الالعاب الزوجية انا متاكدة بتنبسط فيها لنو اكيد تستحي تشتريها وماتتوقع اصلا انو احد بيهديها لها اممم انتي قلتي بتفاجىيها امممممم والله هدا اللي براسي الحين اتمنى اكون افدتك ومبارك الشهر عليك خيتو

شوفي اللي يبقى وما يننسي وتستفيد منه بكل الحالات الذهب
لكن لا بغيتي شي يفتجأها فصلي سلسال حرفها ووسط الحرف اسم زوجها او العكس
راح تتفاجأ وتنبسط إن شاء الله

مشكوره كثير خواتي

بصراحة اعطيتوني افكار حوه واعجبتني ومشكوره مره ثانية عى تعبكم معي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟