استفسار| افخم قاعات جدة ؟

اممممم احلى شي هلتون وسسعرررهااا جونااان وحلو ٨٠ الف
وتكفي اكثر من ١٠٠٠ شخص

أهلا حبيبتي ..

*أنا حضرت في قاعة الامبراطورة ..

كبيرة و شرحة و تجنن ماشاء الله ..

و لها مدخل خاص واسع و بعدين بالمصعد تطلعي للقاعة ..

و فيها بلكونة للزفة ..

و بوفيههم رائع و أكلهم طعم ..

و أعتقد سعرهم مرتفع حبتين ..

*برضو حضرت في الهيلتون قاعة صغنونة مو فاكرة اسمها ..

ماشاء الله خدمة خمسة نجوم ..

وبالنسبة للبوفيه أكلهم رائع و العاملات يدورو ع المعازيم بالأكل ..

و الشي الجميل انهم حاطين أطباق شوكولاتة باتشي (الضيافة) في كل مكان في القاعة ..

بس أكبر عيوبها انو ما كان فيها بلكونة ..

يعني العروسة تنزف ع الممر مباشرةً ><

*نجي لقاعة السلطانة بفندق جدة كونتيننتال ..

حلوة و مرتبة بس صغيرة ..

تصلح لملكة أو زواج ملموم ..

الأكل ما ذقتو ..

و السعر ما عندي خلفية عنو ..

العاملات جيدات ..

و الأهم الزفة فيها بلكونة و مدخل العروسة حلو و فخم ..

و أخيرا أكتر قاعة ارتحت لها من دول التلاتة هي الامبراااطورة بلا منازع ..

يارب أكون أفدتك ..

بالتوفيق

بالتوفيييييييق
رررفع للفااااائده