استفسار: الحقن المجهري _المرحلة الثانية

السلام عليكم ورحمة الله خواتي

أنا الحمدلله بديت إجراءات عملية الحقن المجهري ، الشهر اللي طاف تم سحب البويضات مني ، بس ما صار الترجيع لإنه الهرمون عندي كان عالي جدا.

حاليا انا الحين في المرحلة الثانية للاستعداد لعملية الترجيع .. اخذ حبوب جينيرا لمنع الحمل من خامس يوم من الدورة ولمدة 21 يوم. واليوم هو 21 من الدورة لازم ابدا اخذ إبر الديكابيبتيل ( إبر تحت الجلد ) وأظل آخذها حتى اليوم 15 من الدورة الثانية ..

بغيت استفسر خواتي .. هل الإبر لازم أخذها بوقت محدد كل يوم ؟؟ بنفس الوقت كل يوم؟؟

ياليت تفيدوني .. لأنه الشهر اللي طاف بعد السحب كتبت لي الدكتورة حبوب ديفاستون وكان لازم اخذها لمدة اسبوعين .. بس ما احد قال لي اني لازم اخذها بنفس الوقت كل يوم .. فنزلت علي الدورة في اليوم العاشر :(

ولما سرت للدكتورة قالت لي انتي خربطتي في الدواء ... وصحيح انا ما كنت اخذها بوقت محدد كل يوم :(

فما أريد أني اغلط بشي .. واتمنى انكم تفيدوني .. هل الإبر هذي اخذها بنفس الوقت كل يوم ؟؟؟


وربي يجزيكم الخير