استفسار بجده

عندك الهنداوية مره مليانه ادوات خياطة - رجب ايوب-جستنيه-النواري-العولقي دي كلها ادوات خياطة - عندك الجوخ اعتقد بالقطعة بي 6ريال في اي مكتبة تلاقيه ما اعتقد يجي قطعة كبيرة

كمان تامر وتمارا _شارع خالد بن الورليد_بس أغلى من المحلات اللي ذكرتها سعودية ودمي عسل وتلاقي عنده جوخ بالمتر.
أحب أوضح كمان إنه العولقي في مجمع الشرق_______جستنية في مجمع الشرق كمان في خالد بن الوليد_____رجب أيوب في مركز شاكر

اشكركم يا قمرات بس هل يا ترى مجمع الشرق ده اللى فى الطريق المؤدى الى شبرا دوار الطياره و فين مركز شاكر ده و هل تامر و تمارا اغلي بكثير و لا فروق بسيطه

مجمع الشرق في حي المكرونة,مركز شاكر ما أدري ما أعرف بالضبط --------<معليش وحدة معتمدة على جوزها في المواصلات ولا تعرف توصف هههههههههه
وبالنسبة لتامر وتمارا معروف إنه أغلى بس بصراحة ما أعرف بقد إيه لأني ما قارنت بس أعتقدإنه فروق بسيطة (خصوصا إذا الشي متوفر في كل مكان مو هو بس اللي جايبه)-أنا لقيت عنده صانع البييه وهو الأداة اللي تدخلي فيها القماش المخصص للبييه ويخرج مثني وإنتي تكويه ,المهم أخذتها بأربعين ريال أحس إنه كثير عليها- يعني إذا حتشتري منه أشياء بسيطة ما حتفرق معاك,لكن إذا تبغي كميات كبيرة أو أشياء كثيرة فأكيد يفرق وحتكون الهنداوية هي الأرخص والأوفر لك

اشكرك يا قمر بس الهنداويه ده مكان و لا محل معليش جديده بجده