استفسار بخصوص( خل التفاح والدورة )للي جربته او عندها خبر عنه؟

السلام عليكم ورحمة الله وبركاته اما بعد
كيف حالكم ياحلوين وحشتوني
حدخل بالموضوع على طول القصة وما فيها اني قرأت عن خل التفاح وفوائده في انقاص الوزن وايضا تجارب الاخوات واذكر احدى الاخوات قالت انها نزلت 16 كيلو خلال سنه وطريقتها انها تاخذ مقدار ملعقة على كاس ماء بعد كل وجبه ...... وتحمست اختكم اللي هي انا وماكذبت خبر واشتريت خل التفاح من عند العطار وبدأت استخدمه على الريق احط معاه ملعقة عسل وبعد كل وجبة ملعقة مع كاس ماء واشربه وانا ولله الحمد الدورة عندي منتظمة لكن للحين ماحملت الله يرزقني ويرزق كل مشتاقه لكلمة ماما ....
فاللي صار معاي ان الدورة تقدمت وجات قبل موعدها ب8 ايام انا اعرف ان الخل ينزل الدورة بس ماتوقعت انها تنزل بفرق 8 ايام يمكن يوم اويومين لكن 8 كثير وطول فترة استخدامي كنت احس بالم كأن الدورة تبغى تنزل استفساري ما العلاقة بين خل التفاح والدورة وهل يسقط الحمل اذا حدث بسبب استخدام خل التفاح ياليت اللي جربت او اللي عندها خبر ماتبخل على لاني نفسي استمر عليه بس خايفة انه ياثر على وعلى انتظام دورتي ،،،،،،

بانتظار ردودكم الطيبة ودمتم لمحبيكم سالمين .......