استفسار خروج دم الشهر التاني من الحمل

السلام عليكم ورحمه الله وبركاته
انا الحمدالله حمداً كثيراً مبارك كما ينبغي لجلالك وعظيم سلطانك
حامل ماشاءالله تبارك الله في الشهر التاني بعد اسبوع اكمل شهرين يااااارب
وحامل بتلقيح مجهري وقبل اسبوع سويت سونار الحمدالله كنت حامل بكيسين واحد فيه نبض والتاني لا
والدكتور. آعطاني موعد الاسبوع الجاي ان شاءالله لعمل سونار تاني مره
المهم امس الليل كنت نايمه وخرج مني دم كتيييييير مرره وقطعه طبعا انا ماحسيت بشي نهاياً ماعرفت انو خرج مني الا لما قمت من النوم وشفت الي شفته ياارب مااشوفه تاني لاني اول ماشفته دخت ماعرفت أوقف لاني انصدمت وخاصه بدون الم وماحسيت بشي هو صح كنت احس بشي يخرج مني بس كان عالبالي افرازات زي كل يوم من التحاميل
طبعاً انا متغربه وهنا فاكندا فيهم برود مو طبيعي دقيت عالمستشفي عشان اخذ موعد من الدكتور واسوي سونار واطمن النيرس سالت الدكتور قال مايحتاج تجي حريم كتير يسير معاهم كدا بسبب بطانه الرحم وممكن يستمر ثلاثه ايام وقالتلي اشربي أدفل Advil حبتين ثلاثه مرات فاليوم بس اليوم عشان بطانه الرحم ترتاح.
سؤالي دحين في احد سار معاه زيي واستمر الحمل لحد الولاده ان شاءالله ؟
واذا ايوا ايش سبب نزول الدم تتوقعي يمكن يكون اجهاض احد الاجنه بس أتمني يكونو بخير الاتنين
دعواااتكم الله يسعدكم ويحققلكم امانيكم لاتطنشوني لو بدعوه او رفع للموضوع والله انا هنا وماعندي احد وهنا لازم موعد قبل مااروح المستشفي .. 

اللهم اني استودعتك اجنتي التي في رحمي فردهم الي مرداً سالماً بعد ولادتهم فانت الذي لاتضيع ودعاءك ولاخاب ولا ندم من أستودعك.