استفسار عاجل؟؟؟؟الله يخليكم جاوبوني!!!!!

مثل ما قلتي الناس يختلفون عن بعض متى يبدون يأكلون عيالهم .. ان شاء الله الخوات بيجاوبونج و بتعرفين .. بالنسبه لي .. ولدي الاول كنت فرحانه فيه وايد و ابغي اسويله اي شي بسرعه .. اكلته قبل ما يكمل اربع شهور .. ما شاء الله حب الاكل و خف شربه للحليب .. الحليب في ها السن افود من الاكل .. عشان جي بنتي الي بعده أخرتلها الاكل عطيتها الاكل لما كان عمره خمس شهور و نص
نصيحتي .. إذا تحسين ولدج جوعان ، ابدي اعطيه أكل إذا ما شاء الله بيكمل خمس شهور بعد كمن يوم .. بس ابدي عطيه السيريل ، لا تعطينه خضار و فواكه الحين .. عطيه سيريل مدة شهر .. ابدي بالرز و بعدين القمح .. و اذا ولدج متعلم على الصناعي .. اشتريله السيريل الي فيه حليب .. ماركة Gerber و علبته مثل علبة الحليب الصناعي
و اذا بغيتي بعدين تعطينه اشياء ثانيه .. ابدي بالخضار اول قبل الفواكه ، عشان ما يتعود على الطعم الحلو و لما تعطينه الخضار ما ياخذها .. و اعطيه نوع واحد من كل شي كل مره لمدة كمن يوم قبل ما تقدمين النوع الثاني .. عشان تعرفين اذا في نوع معين يسببله حساسيه او لا
ان شاء الله تكونين استفدتي

السيده ماما
يعطيك الف عافيه والله يجزيك خير الجزاء عنا دنيا واخره
ردك اسعدني وشكرا على نصايحك

وانا ابغى اعرف تجارب ناس اكثر واذا فيه احد بدت تاكل طفلها بدري وصارت لها مشاكل مع البيبي ...الله يخليها لاتبخل علينا بالرد ومشكورين سلفن

نصيحه اخري موضوع الاكل لبعد الشهر السادس

انا ولدي باقي جم يوم بعد ويكمل اربعة شهور انا يبته تاريخ 31/12 من اكبر ولدش ولا ولدي هههههههه والحمدلله انا منزهقة هاي اول واحد من زمان اكلته من دش الرابع والحمدلله يتقبل بسكوت فاريز مع الحليب والميلوبا واحاول مااكثر ليه من الاكل علشان ياخذ كفايته من الحليب وان شاء لله اكون افدتش

حبوبة بدي معاه عصاير مخففة من الخمس سنوات ثم مع بداية السادس دخلي الأكل ... لان اذا بديتي معاه الحين قل شربه للحليب واستقبل الاكل وانتي تودين ان يكون طفلك بصحة وعافية هذا اذا كان حليبج . اما اذا كان الحليب الصناعي فما في مشكلة اذا بدأتي معاه من الرابع عصائر واربع شهور ونصف فواكه من صنع يديكي ( تغلى بالماء حتى تنضج وتهرس)

كما انه احيانا يود اللعب فهل تلعبين معه بما فيه الكفاية ... وهل تعطينه الاكل بمتعة يسعد بها ... وعندما تقدمين له الحليب هل الابتسامه الكبيرة تعلو وجهكي ... حتى يبدأ بالتفاعل معها ؟!
هذه تجربة خاصة لاختبر كلام قد قرأته ... فاعطيت ابني بعض الاكل .... دون اي حركة مني او تعبير بوجهي ... فاذا بي اجد ان قل اكله ... وطلب الطعام بشكل اسرع ... لأنه يمكن احس ان هو مضايقني وما يبي يزعجني لكنه جوعان ... ويريد الطعام لذى طلب الطعام بشكل اسرع . الله يخليج لولدج ... واتشوفين بتسامته وما هي الا اشهر وتكونين خبيرة ... بس صبري ... وحولي كل الامور للعب والمتعة ... حتى يتمتع ...