استفسار على السريع

رفع

روحي لدكتوره افضل

😕

البيبانثين مرطب عجييييب 😍
لان ما فيه عطور او مواد حافظه او اصباغ
يعني ممكن استخدامه للطفل من اول يوم
و حق الحامل و المرضع و البشره الحساسه
و الصغير و الكبير 👍👍👍
.
.
اول شي احب اقول لكم ان البيبانثين يحتوي على الدكسبانثينول
اللي يتحول في خلايا الجلد الى فيتامين B5
و هذا الفيتامين معروف انه مرطب فعال للبشره
و ينعمها و يغذيها و يخليها صحيه و جميله 👍👍👍
.
.
🌸🔵🌸 مرهم بيبانثين الوردي ---> مرطب رهيييب 😍
حق اللي بشرتهم جافه
و خصوصا بالشتا ❄️❄️☃☃🌨🌨 يشيل القشور و يرطب من قلب 👍❤️
.
.
و ينفع حق
.
.
1⃣ الترطيب خصوصا حق البشره الجافه حيل
و المتشققه و خصوصا اليدين و حول الاظافر
و الرجلين و الركب و المرافق و اي مكان جاف بالجسم
و مرطب ممتاز للاكزيما و الصدفيه حق الاطفال و الكبار 👍👍👍 .
.
2⃣ مرطب ممتاز حق الشفايف يرطبها عدل 👌
و يمكن يشيل السواد الخفيف حول الفم .
.
3⃣ حساسيه الحفاظ >>> كل مره تغيرون الحفاظ حطوا منه .
.
4⃣ تشققات حلمات الثدي اثناء الرضاعه
.
.
5⃣ بعد ازاله الشعر بالشمع او الليزر 👌 و بعد الليزر عموما .
.
6⃣ الحروق السطحيه
.
.
بس عيبه انه ثقيل و دهني
و مو بسرعه تتشربه البشره فچذي ممكن تحطونه بالليل 👌
و هم يسد المسام فاللي بشرته دهنيه
او عنده حب شباب لا يحطه على ويهه ⛔️ عشان لا يقب 😮
.
.
🔵🔵🔵 كريم بيبانثين الازرق خفيف
و بسرعه تتشربه البشره و تمتصه
و ممكن تستخدمونه حق كل الشغلات اللي ذكرناها فوق
بس ترطيبه اقل من الوردي 👍
و يناسب البشره العاديه و الجافه و المختلطه و الدهنيه و الحساسه
و هم ينفع اللي عنده حب شباب 👌
خصوصا اذا البشره متقشره و حمره من علاجات حب الشباب
مثل الدفرين و الاپيديو و البنزاك
.
.
🍊🔵🍊 كريم بيبانثين بلاس البرتقالي خفيف
بس شوي اثقل من الازرق
و ميزته انه مرطب و مطهر
لانه يحتوي على ماده الكلورهكزيدين
و ينفع حق الخدوش و الجروح السطحيه و الحروق .
.
و احلى شي 💥
ان الكريمات هذي رخيصه
و هي متوفره في صيدليات الصحه مجانا .
.
و سلامتكم 💐💐💐

الله يشفيك يا عسل و يكون بعونك و يهونها عليك
قبل ما تعالجين الأثار عالجي اليد اللي أمتدت عليك حسبي الله عليهم