استفسار عن أفضل القواميس الانجليزية؟؟طبعاًالالكترونية

الســـــلام عليكم

شلونج اختي ؟؟

اول شي انا تخصصي انجليزي واغلب البنات وانا معاهم طبعا نستخدم المورد الناطق

حلو حق الترجمه العربيه اهو فيه ثلاث اشياء قاموس المورد طبعا انجليزي عربي والعكس وفي شرح للقواعد واشياء ثانيه حلوه

وفيه بعد قاموس انجليزي انجليزي ( وانا افضل الانجليزي الانجليزي ) اسمه مريم ويبستر

وفي قاموس فرنسي

لاني ادرس فرنسي وانجليزي


وفي خاصيه حلوه انج تقدرين اتشلين واحد من هالقاموسين يالفرنسي والا الانجليزي وتشتري قاموس واتركبينه في قواميس واجد يبيعونها


بس نصيحه مني لج اذا كنتي تبين تتعلمين انجليزي ما عليج الا بقاموس اكس فورد المعروف العود كلش انا مسميته حبيبي ههههههه


صج صج قاموس بمعنى الكلمه ولاتخافين كلامه بسيط مب صعب واذا ما فهمتي كلمه ترجميها بالانجليزي واذا مافهمتيها شيكي عليها بالمورد


واتمنى اكون افدتج واي استفسار انا حاظره


ادعي لي فديتج انه الله يشفيني




تحياتي

نجم
واطلس

انا طالبة لغة انجليزيه
وصراحه افضل شي اطلس له سنتين عندي ومبسووطه عليه مرره مرره
عربي انجليزي و اجليزي عربي وانجليزي انجليزي
وفيه محادثات وشرح القوااعد وشاامل مررع مرره
بس الحين اظنه ماعاد ينباع
طلعوا اشيا جديده لان صديقتي راحت تسأل عنه ولا حصلته
عموما كل مازاد الرقم كان افضل
واحلى خاصيه فيه انك تكتبين اول حرفين مثلا من الكلمه ويطلع لك خيارات مو لازم تكتبين الكلمه كلها
بس هالخاصيه مو موجوده في كل اجهزة اطلس بعضها بس

انا عندي كتاب اكسفورد لونه اخضر ب55

مااعرف وشلون استعمله لانه انجليزي انجليزي

وودي بجهاز ناطق انجليزي عربي

أطلس 700