هلا اختي
انا جربت الخطوط التركيه صراحه اخس خطوط ع وجه الارض ترى جربتها في رمضان وكانت الرحله من لندن الي اسطنبول وانتظار 5ساعات وبعدين ع جده
تخيلي لمن رحنا في مطار لندن عشان نقص البوردنق قالو انا وولدي لنا تذاكر من لندن الي اسطنبول الي جده لكن زوجي وبنتي بس من لندن الي اسطنبول وزوجي كلمهم قالوا مرره مايسمح قالهم انا دافع فلوس قالوا روح اسطنبول وخذهااا من هناك ترددنااا بعدين قلنا ياالله خلينا نتوكل ونشوف والحمد لله وصلنا اسطنبول واخذنا من عندهم تذاكر زوجي وبنتي ع جده
وركبنااا الطياره الله لايعيدهااا من طياره تخيلي خلاص الكابتن حرك ومشي بسرعه خلاص بتقلع الطياره فجاه وبدون سابق انذار وقفت احنااا انفجعنااا دوبهااا الطياره مسرعه وبطير وتوقف وننتظر ساعه بعدين قالو في عطل يحتاج من 15الي 20دقيقه عشان يسوو العطل وننتظر وجات ساعه ساعتين والطياره واقفه وعيالي طفشو وبنتي تبكي وبعدين قالو خلاص الطياره اتعطلت راح ننقولكم لطياره ثانيه وركبنا في الطياره الثانيه وكانت كويسه وباين عليهااا جديده والحمد لله عدت ع خيرر واخوو زوجي انفجع علينااا ينتظرنا في مطار جده واحنااا تاخرنا ماوصلنا ع الوقت خيره من عند رب العالمين
صراحه طياراتهم سيئه مررره والكراسي ضيقه والله صارت لنا حاله الحمد لله بس تنذكر ماتنعاااد ان شاء الله
وبس هذا قصتي مع الخطوط التركيه
الله يسرلكم يااارب
أم ميـس
•
بارك الله فيكم حني حجزنا او خلاص ربي يسهل هما قالو الفندق علي حسابهم اذا الترانزيت اكثر من 10 ساعات
نوع الكراسى يختلف يا بنات حسب الدرجه طبعا
فيه الدرجه السياحيه Economy Class وهذه تعبانه لان كراسيها ضيقه وغير مريحه للى عنده اطفال
بس فيه درجه أرقى منها وهى المريحه (الكمفورت) Comfort Class وما تفرق كثير فى السعر عن السياحيه بس الكراسى اوسع ومريحه اكثر وقريبه من درجة رجال الاعمال وانصحكم فيها عن تجربه وخصوصا ان اسعارها معقوله ومو غاليه والاكل التركى حلو ..
وطبعا فيه البزنسس والدرجه الاولى ...
بخصوص الفندق تأكدى انه محجوز لكم قبل ما تسافروا اما تتصلوا بالفندق او تأكدوا من شركة الخطوط حتى ما تتفاجأوا بعدين ..
وكمان تأكدوا من بعد الفندق عن المطار حتى ما تصيروا تلفوا كل اسطنبول علشان توصلوا له ...
وتوصلوا بالسلامه
فيه الدرجه السياحيه Economy Class وهذه تعبانه لان كراسيها ضيقه وغير مريحه للى عنده اطفال
بس فيه درجه أرقى منها وهى المريحه (الكمفورت) Comfort Class وما تفرق كثير فى السعر عن السياحيه بس الكراسى اوسع ومريحه اكثر وقريبه من درجة رجال الاعمال وانصحكم فيها عن تجربه وخصوصا ان اسعارها معقوله ومو غاليه والاكل التركى حلو ..
وطبعا فيه البزنسس والدرجه الاولى ...
بخصوص الفندق تأكدى انه محجوز لكم قبل ما تسافروا اما تتصلوا بالفندق او تأكدوا من شركة الخطوط حتى ما تتفاجأوا بعدين ..
وكمان تأكدوا من بعد الفندق عن المطار حتى ما تصيروا تلفوا كل اسطنبول علشان توصلوا له ...
وتوصلوا بالسلامه
الصفحة الأخيرة
احسن خطوط عن تجرية خطوط الاتحاد الامارتيه