السلام عليكم ورحمة الله وبركاته
تكفوووووون ردوا علي وربي تعبت مرررره زوجي عليه ديون وراح البنك الاهلي ياخذ قرض وهو عليه قرض من اول قالوا م تستحق لازم تكمل سنه وكم شهر او سنتين نصحوه في البنك ان ياخذ بطاقة تيسير الائتمانيه قالو مثلا تسحب 10 الاف ونسحب من راتبك شهريا 500 ريال ولو اخذت 10 الاف ثانيه نسحب برضوا 500 ريال وكذا وحماتي حذرتنا منها تقول نصابين زوجها اخذ منها ويسحبون الراتب كله لحد م ياخذون اللي اخذها مع ان متفق معاهم ع 300 ريال ياخذوها من راتبه وهي تقول بطاقتة بطاقة فيزا وهاذي مكتوب عليها تيسير والله اخاف نسدد من هنا ويسحبوا الراتب كله من هنا ونقعد بدون راتب تكفوووون والله م عاد ادري عن شي اللي عندها معلومه او شي تقووووول لي اقسم بالله اني محتاره اخاف ناخذها ونتورط واخاف ان الناس فاهمين فكرتها غلط والا الله اعلم بالله لاتبخلو علي انتظر ردودكم وربي يفرج عليكم
المااسة @almaas_3
عضوة نشيطة
يلزم عليك تسجيل الدخول أولًا لكتابة تعليق.
المااسة
•
معقوله مافي احد عنده فكره !!!!!
طيب اتصلي على البنك واستفسري منهم افضل ،،،،،الله ييسر امركم ويفرج عنكم ويرزقكم من واسع فضله ياكريم
اختي عندي في الاهلي بس مديني كرت وسام الاهلي الماسي وكرت الفرسان بس هذي تيسير ما ادري ولا ادوني هيا فانتي راجعي فرعك او اتصل بالهاتف المصرفي واستفسري منهم احسن
شوفي حبيبتي انا سبق واخذت بطاقه تيسير الاهلي والصراحه تعبتني مره بس الحين عرفت الطريقه المناسبه لها
طريقتها ينزلون فيها مبلغ يعادل راتبين شهريين وتسحبين منها بس على فكره كل مره تسحبين يحسبون عليك 100 ريال مهما كان المبلغ اللي تسحبيه
وممكن تسددين مشتريات ايضا او تحولين مبلغ منها على حسابك الجاري
نجي لطريقه السداد تسددين شهريا خمسه في الميه من المبلغ اللي عليك اجمالا لكن عيبها ان المبلغ اللي عليك دين يحسبون كل شهر عليه 2 في الميه ارباح
اجيب لك مثال فرضا عليك 15000 فيها هذا المبلغ اللي سحبتيه دين يكون قسطها الشهري 750 ريال ويبصير المبلغ الي متبقي عليك 14250 فقط لكن تتفاجأين الشهر الثاني ان هذا المبلغ زاد لانهم كل شهر يحسبون ارباح 2 في الميه على المبلغ المتبقي
متى يسحبون عليك مبلغ كبير اذا ماانتظمتي في السداد لان المفروض تسددين باانتظام وتراكمت عليك الاقساط بس طالما انتي منتظمه ماعليك خوف
انا حاليا مرتاحه معها اذا احتجت والا انزنقت اسحب منها واذا نزل الراتب مااتقيد بقسطهم اسدد اللي اقدر اعليه مثلا 1000 ريال وكذا
طبعا اللي تسدديه تقدرين اليوم الثاني تسحبيه لانه ينزل كرصيد في البطاقه
اتمنى تكوني فهمتي علي واكون افدتك
هي للمضطر حلوه بس لابد من الانتظام في السداد والا بتتعبين معاها
اخر شي نسيت اقول ان كل سنه ياخذون 300 رسوم تجديد اشتراك
طريقتها ينزلون فيها مبلغ يعادل راتبين شهريين وتسحبين منها بس على فكره كل مره تسحبين يحسبون عليك 100 ريال مهما كان المبلغ اللي تسحبيه
وممكن تسددين مشتريات ايضا او تحولين مبلغ منها على حسابك الجاري
نجي لطريقه السداد تسددين شهريا خمسه في الميه من المبلغ اللي عليك اجمالا لكن عيبها ان المبلغ اللي عليك دين يحسبون كل شهر عليه 2 في الميه ارباح
اجيب لك مثال فرضا عليك 15000 فيها هذا المبلغ اللي سحبتيه دين يكون قسطها الشهري 750 ريال ويبصير المبلغ الي متبقي عليك 14250 فقط لكن تتفاجأين الشهر الثاني ان هذا المبلغ زاد لانهم كل شهر يحسبون ارباح 2 في الميه على المبلغ المتبقي
متى يسحبون عليك مبلغ كبير اذا ماانتظمتي في السداد لان المفروض تسددين باانتظام وتراكمت عليك الاقساط بس طالما انتي منتظمه ماعليك خوف
انا حاليا مرتاحه معها اذا احتجت والا انزنقت اسحب منها واذا نزل الراتب مااتقيد بقسطهم اسدد اللي اقدر اعليه مثلا 1000 ريال وكذا
طبعا اللي تسدديه تقدرين اليوم الثاني تسحبيه لانه ينزل كرصيد في البطاقه
اتمنى تكوني فهمتي علي واكون افدتك
هي للمضطر حلوه بس لابد من الانتظام في السداد والا بتتعبين معاها
اخر شي نسيت اقول ان كل سنه ياخذون 300 رسوم تجديد اشتراك
الصفحة الأخيرة