اول مشااركة لي تقبلوها
هالموضوع بخليه نصايح+استفسارات..
أول شي أنا اعاني من شعري والله :44:
يفشل.. جاف وماقدر أمشطه ولا أهجده والكشة قصة ثانية :44:
رغم إنه مب curly افريقي لكنه مموج.. لكن المكشلة إنه يوقف ويكش
من فترة سمعت عن مكواة الشعر وقررت أشتريها.. اشتريت مكواة شعر ريفلون بــ150 ريال..
ماقدر أمدحها حقها.. حلوة وريحتني وتخلي الشعر مشدود وناعم يعني مريحتني :27:
بس مشكلتها يوم تتحممين بيروح المفعول.. يعني ماقدر استخدمها الا للمناسبات خصوصا انها تاخذ وقت حتى تفرد الشعر :44:
ولو اني استعمل زيت حماية ضد الحرارة لكن الحرارة مضرة للشعر وبالعكس لو بقيت استخدمها بكون اضر شعري اولا واخرا << فلسفتي واجدة P:
المهم.. بديت ادور على الشامبو والبلسم المناسب لي..
صراحة ما شفت غير فروكتيز حسيته من جد له مفعول على شعري..
وهذا صورة الشامبو والبلسم:
أهم شي تجيبين اللي عليه دائرة برتقالية يا بنات.. وتجيبين الشامبو مع البلسم مب لوحده.. لأنه لوحده صراحة ما فاد شعري بالعكس :angry:
والشامبو خففوا منه مو كل يوم.. كل يومين أو ثلاث لأنه الشامبو أصلا بس ينظف الشعر يعني المفروض ما نستخدم الشامبو إلا يوم يكون شعرنا مب نظيف :27:
واهم شي تشتري اللي عليه Sleek & Shine لا تشتروا نوع ثاني الباقين ما جربتهم..
صراحة هالشامبو خيااااال ماقدر أوصفلكم.. حسب المكتوب فالشامبو المفروض إنه يزود اللمعة+يخفف الكشة+يحمي من الرطوبة (حتى ما يخرب الشعر بعد السشوار يوم يكون فيه رطوبة)
صراحة صح اللي قالوه.. شعري صار قوي واللمعة زادت.. الكشة خفت وشعري صار عالأقل يبان إنه مب curly يبان مموج.. لكن للأسف ما يحمي من الرطوبة السشوار يخرب زي دايما من الرطوبة
وكمان الشامبو اللمعة تخف كثييير بعد السشوار تقريبا تروح يصير الشعر باهت.. ولقيت لكم الحل
هذا هو:
Fructis Shine Spray
تلاقونه في الصيدليات خيااال بـ15 ريال.. عند وين يبيعون الجل والواكس للشعر تلقونه..
شي رهييييب.. 5 رشات والشعر يلمع لمعة رهيييبة وريحته حلوة..
أنا أرشه قبل السشوار وما يروح مفعوله مع السشوار بالعكس أحس السشوار يثبت.. وريحة السشوار ما تبان أبد
أنا أرشه دايما 5 رشات على الشعر يكفيني.. لكن أنصح بالليل ترشون 3 رشات عاليد وتفركونها وبعدها تمسحون الشعر.. يعطي لمعة وريحة طبيعية
عاد حاولت أفيدكم.. شعري تحسن لكن صراحة مب كثير يعني لو توقفت يومين تبدا الكشة ترجع والجفاف ما راح.. بس بحاول اشتري الماسك من فروكتيز عساه ينفع قولوا آمين..
طيب يلا حاولت افيدكم ياريت تفيدوني
قرات في موضوع هنا للعناية الأسبوعية بالشعر عن سيروم فروكتيز.. صراحة تقدرون تقول مرت علي 70% من منتجات فروكتيز
بس ما عرفت المقصود من السيروم.. هو موضوع الأخت أم جاورس الله يوفقها بس ماعرفت المقصود بالسيروم..
ممكن تقولوني أي واحد من هاذول هم السيروم:
والله يوفقها اللي تجاوب وييسر لها دنياها وآخرتها
بخصوص سؤالك ما اعرف
بس الصوره الاخيره كاني شفت لها موضوع في الفراشه تمدحه بنت بس ما يغسل من الشعر