استفسار عن ماركة تكفون ياخبيرات المساعدة

السلام عليكم ورحمة الله

اخواتي الخبيرات انا طول عمري كنت استخدم لوجهي اساس في بودره ( يعني اثنين في واحد ) ودايم استخدمها في الإجتماعات الصباحية وفي الحفلات الصباحيه وكذالك في زيارات العصرية اما الزواجات ماكنت احضرها ابد , والحين كبرت بنتي وبنات زوجي صارو كبار ويحبون يحضرون زواجات الأقارب والزميلات فصرت مضطره احضر معاهم ولأن هذا النوع من الأساس لايصلح للسهرات ولأني ما أستخدم معاه ولا شيء لامرطب قبل ولا مثبت ولاغيره
الحين حبيت اغير لأن عمري صار كبير شوي 40سنه بس الحمد لله بشرتي زي بشرة الطفل ولا فيه تجاعيد حتى صغيرة ((ماشاء الله تبارك الرحمن )) , وابغى استشيركم في نوعية الأساس وما قبله وانا من النوع الي يعشق ماركة إيف سان لوران بكل ما فيها وهي مناسبه جدا لوجهي , واتمنى استشير الأخوات كمان في مستحضر TOP SECRETS وهل يستعمل المستحضر الأول كمحضر لللأساس وما عمله بالزبط لأني قريت ترجمته بس ما فهمته وهل يوضع لوحدة ام مع كريم الأساس ياريت الي تعرف تشرحلي ؟؟؟
وبالنسبة لكريم أساس ابيه يناسب عمري وكمان ما يكون له عشرين خطوه يعني يكون اساس سائل في بودره مع بعض ؟؟ و ابي أسأل كمان عن اساس إيف سان لوران الي بالفرشه ايش رايكم فيه ؟؟!!؟؟ وإذا فيه ما ركات او مستحضرات تناسب عمري من نفس الماركة هذي او من كرستان ديور او من شانيل او كلارنس وغيرها ياريت تدلوني عليها لاحرمتن الأجر حبيباتي ؟؟