الحمدلله خلص الوالد البيت ومابقى غير التأثيث والله يعينكم ع كثر طلباتي
1- حبيت أسألكم عن محلات تفصيل غرف نوم ,, وماتكون غاليه مره ,, الميزانية اللي عندي لغرفة النوم 10000 , بفصل ان شاء الله 5 اسرة و5 كوميدينات وتسريحة ودولاب على شكل زاوية كبير تعليق من الاطراف ورفوف بالوسط يجي بالجدار المايل :: ودولاب رفوف عند دورة المياة اللي بنفس الغرفة ..
ويكون خشبها حلو يعني مايطيح خشب السرير .. لأني ابي استفيد من السرير ونحط دروج من تحت زي كذا
والحين نجي لألوان الأثاث
2- مجلس النساء لونه وردي وبنفصل له كنب ان شاء الله .. وجلوس العائلة رمادي فاتح وبنفصل جلسة ارضية اللي ع شكل مخاد .. ابغى الوان مناسبة ؟؟ واذا عندكم موديلات حلوة وجديده
3- وغرفة نومنا لونه بنفسجي مو فاتح ولا قاتم .. يعني وسط وش يناسب الوان المفارش ووين نلقى اشكال حلوة ورايقة واسعار معقولة ..
4- وكمان مين تعرف اسعار المراتب تبع سليب هاي .. ابي اللي العرض حقه 90 سم
5- وكمان محلات تفصيل المطابخ ..
6- واذا تعرفون محلات عندهم تخفيضات ع الاجهزة الكهربائية ( ثلاجة - غسالة - نشافة - مكيفات - فرن)
بس هذا اللي ببالي الحين ..