استفسار عن مدينه الامير سلطان للمعاقين

:26:مرحبااااااا اختي:26:
طريقة التقديم اذا من الرياض تقدمين على العيادات فحص ب500يشوفه عدة دكاتره مخ واعصاب هضميه تاهيل تغذيه ومن ثم يشوفون حالته اذا يحتاج يحولونك على التنويم
طبعاا على حسابك 40000بالشهر من غير جباير واجهزه والطفل عادة اول تنويم شهر ونص يعني 60000

طبعا هم يحسبولك التكلفه ويعطونك كشف حساب اذا ماتقدرين تقدمين على
1-الصندوق الخيري
2-وزاره الصحه
3- الاماره

اذا انتي خارج الرياض ترسليلهم فاكس على المدينه وهم يحددون لك موعد مقابله
رقم المدينه015620000كلميهم واستفسري منهم
اي خدمه انا حاضره:39:

انا كشفت على ولدي في كذا مستشفى قالوا عنده ضمور وهو الان يحتاج تاهيل علاج طبيعي ونطق وتخاطب وامور التاهيل الاخري
يعني لازم يتنوم عندهم حتى لو كان بس يحتاج تاهيل ؟

الله يشفيه ويشفي لي بنتي ويشافى بنت اختي وجميع مرضى المسلمين

اكيد يحتاج تنويم عشان العلاج الطبيعي
45دقيقه علاج طبيعي
45دقيقه علاج وظيفي
ونطق وتخاطب
يوميااااااا صعبه تروحين وتجين

اذا انتي ماتبين التنويم شوفي جمعيه المعاقين يمدحونها البنات
انا للاسف ماجربتها المنطقه الي انا ساكنه فيها مافيه جمعيه

أسال الله العظيم رب العرش العظيم أن يشفي أطفالنا شفاء لا يغادره سقما
أسال الله العظيم رب العرش العظيم أن يشفي أطفالنا شفاء لا يغادره سقما
أسال الله العظيم رب العرش العظيم أن يشفي أطفالنا شفاء لا يغادره سقما
شوفي حبيبتي أنا مدخله ولدي عندهم واروح مرتين بالأسبوع علاج وظيفي وطبيعي بنفس الجلسه مده الجلسه 45 دقيقه اأو ساعة حسب تحمل الطفل
بالبدايه تاخذين موعد مع الدكتور بالمدينه هم نظامهم بفلوس (طبعا غالين الجلسه ب 500 ميه) وفيه انك تجيبين واسطة وفيه انك ترفعين تقرير طبي من المدينه نفسها لوزارة الصحة وهم يتكفلون بعلاجه بس يطولون الوزارة ما يردون بسرعة
وعلى حسب اخصائيين العلاج الطبيعي والتاهيلي هم يحددون مدة العلاج شهرين أو ثلاث أشهر تصير الجلسات مرتين أو ثلاث مرات بالاسبوع وبعدين يعلمونك كيف التمارين اللي تسوينها له بالبيت وبعدها يعطونك فتره تسمى العلاج المنزلي طبعا نكون ثلاث أشهر وبنفس الوقت يعطونك موعد مع الدكتور يتابع حالة الطفل واذا كان يستدعي للتنويم ينومونه ..
هذا باختصار والله يشفي لك من تحبين


دعواتكم لبدر بالعافية