استفسار عن مستشفى سعد وقت الولاده

ربي يسهل لك

طبعا حبيبتي الدكتوره المناوبه هي اللي تولدك وماتقدرين تطلبين الدكتوره بالاسم ..الشي الثاني طبعا يسمحون للزوج بالدخول لاتحاتين..
بس ودي اسالك ايش رايك بدكتوره صبا ودي اراجع عندها اذا الله كتب لي حمل هاشهر لاني دخلت عليها صدفه بعد اجهاضي وارتحت لها واجد مع ان الكل يمدح بالينا ولواء بس ارتحت انا للدكتوره صبا ولتعاملها فانتي شرايك فيها طبعا نتي تعاملتي معها اكثر مني..

مسك امين يارب ويوفقك 
ليان والله مدري ابيه يدخل علشان يحس فيني ومابيه يدخل اخاف يشوف شي ويتقرف مثل مو انتي خابره محيرني هالموضوع كثير ..، 
والله شوفي انا دخلت عند اول ماحملت عند الدكتوره لميا الله يذكرها بالخير الدكتوره مافيها شي بس انا ابد ما ارتحت لها .. وحولت ع طول عند الدكتوره صبا خالد ماشاآءالله تبارك الله قمة الاخلاق والذوق انسااااااااانه رائعه ومريحه لابعد ماتتصورين روحي لها وانتي مغمضه عينك ولا تخافين ..، 
انتي جربتي لواء ولينا وش رايك فيهم وجربتي ولاده تحت ايد اي دكتوره فيهم وبشكل عام اذا انتي جربتي الولاده بسعد كيف ولادتهم والخياطه عندهم دام المناوبه هي اللي تولد ..، وكلت امري لربي .. 
وبسالك عن خياطتهم لو اطلبهم خياطه تجميليه بما اني بكر واول مره عادي يوافقون ولا بيرفضون ..؟!! 
معليش طوولت ^_^

يمدحون السعد والولادة فيها لاتحاتين مستشفى السعد افضل وارقى مستشفى بدمام مع مستشفى بروكير فاليش تخافين

هلا حبيبتي لاوالله ماجربت ولادتهم لاني توني ناقله من ارامكوا للسعد والينا ولواء اقرا البنات يمدحونهم بالنت..بالنسبه للخياطه ياليت تسالينهم اذا فعلا يخيطون تجميلي او لا..