استفسار عن وظيفة الكاتبة ومدخلة البيانات

حبيبتي انتي تقدمي عند الشركات اللي يبون مدخلة بيانات او كاتبه على حسب شهادتك وبعدين فيه في طاقات كثير مكاتب توظيف يبون مدخلات بيانات وسكرتيرات بنفس المواصفات ذي واذا عندك لغه بتلقينها بالساهل بعد الله يوفقك يارب

الله يسعدك يانوفيي بس انا ودي بوظيفه فمدرسة مابي في القطاع الخاص

انا عندي نفس مؤهلاتك دوري بالمدارس الاهليه لان الحكوميه مستحيل تلقين انا تعبت ادور بسس اذا الله كاتب لك رزق بتاخذينه

الحكومي ممكن في الجامعات او مثل ماسبق في ديوان المظالم او وزارة العمل
لكن واقعيا صعب لانة الكثير من خريجات البكالوريوس يقدمون بالثانوي
التعيين يكون بعد المقابلة الشخصية والاختبار التحريري
وعادة يتم قبول الف وحدة لشغل احتياج 20 وظيفة فقط
غير ان الواسطة تلعب دور
اذا فعلا ودك بتوظيف بالحكومي كملي تعليمك ماتدرين ممكن بعد تخرجك من الجامعة تتوظفين
في خبر سابق قريته انهم يحاولون يقبلون 40% لدخول الجامعة
و60 % يتوجهون للقطاع الخاص
والان لو تشوفين وظائف القطاع الخاص اغلبة للثانوي

انا زيك معي 3 شهادات حاسب وبكالوريوس
وقااااااعده بالبيت لفيت المدراس الخاصه والحكوميه
والحمد لله ع كل حال