للصبرأخر
•
يسعد قلبك ياريم ماقصرتي وانا نزلت استفسار عن بعض اماكن دبي في موضوعك ياليت تردين علي ... والاخوات جميع ماقصروا بمشي على نصايحكم والله يكتب اللي فيه خير
الصفحة الأخيرة
الجو عادي مو بارد بس احتمال شوي يبرد عالاسبوع الجاي
يعني الفتره الصباحية ما تنزل عن ٢٣ او ٢٤
والمساء نفس الشي
والسماء مافيها نقطه سحابة
اخذي ملابس طويله للصغار وجاكيت
بس مو اشيا غليظة وايد
والمولات فيها مطاعم متنوعة
الشارجه ماظني فيها فلل ومسبح
ودزرت بالم هذا في دبي قريب من سوق التنين
حلو مكانه واذا يبغون يتسبحون تسبحوا الصبح او الظهر عشان ما يبردون
وعالم فراري في ابوظبي ينفع حق اللي عمرهم ٤ سنوات وفوق
مافي العاب وايد للصغار في عمر ولدك
عندج في دبي مول كيدزينيا وعالم سيقا
والقرية العالمية فيها العاب بتناسبهم ( بس المكان مفتوح وبرد يكون المساء خذيلهم جاكيت وشي يدفيهم)
اذا عندج اي استفسار ارسليلي رسالة وانا حاضرة