كيفكم ياحلووين؟؟
بغيت استشيركم في موضوع وابغى خبرتكم ..
انا حملت بعد عمليتي الأولى ب 11 شهر يعني اقل من سنه..
ومن دحين حاسه بالالام العمليه وسوولي سونار وطلعت عندي المشيمه نازله و ضاغطه
على العمليه الأولى وهو دا سبب الألم ..المهم سألت الدكتوره على ولادتي
فقالتلي انو يحاولو معايا طبيعي ويستنو عليه إذا جاني الطلق 6 ساعات إذا ماولدت
يدخلوني اولد عمليه ..السؤال هنا انا خايفه ماابغاهم يلعبو فيا واشوف الموت
وبعدين يولدوني عمليه خصوصا اني في بكريتي ماقدرت اولد طبيعي مع انو
كان في طلق قوي والرحم فتح 2 سم لأن رحمي سميك
وعنق الرحم طويل والمويا سارت قليله فإيش رأيكم هل في خطوره لو جربت طبيعي
اول ولا اولد عمليه على طول ؟؟ خصوصا اني خوااافه واتعقدت من ولادتي الأولى ..
ياريت اللي ترد تكون مجربه وتنظروو للموضوع بكل سلبياته وايجابيته..
وجزاكم الله ألف خير ..
ّأم منوله @am_mnolh_1
عضوة نشيطة
يلزم عليك تسجيل الدخول أولًا لكتابة تعليق.
ام الحلوه ليلاس
•
ربي يهون عليك وان شاء الله احد يدخل ويفيدك
والله ماعندي علم بس حبيت ادعي لك ان الله يسهل امورك ويسهل ولادتك ويختار لك الخيرة الطيبة
الصفحة الأخيرة