استفسار لمشروع تعليم الخادمات الطبخ

فكره حلوه
بس اذا ما تعرف الخادمه عربي ولا انجليزي بيكون صعب تستوعب بسهوله

يعني من رايي كل يوم طبق والاتفاق من البدايه على سعر معين مثلا نفترض ألف على اساس انها تتعلم مجموعه من الطبخات بشرط تتقنها
مجرد رأيي

الله ايوفقها

وبكم اتعلم ؟؟

لان اذا اتعلم كل شي باخذ موعد ابعث خدامتي

شكرا لج

دانة المزيونة ..
شكرا عالرد ..
طبعا صعب على الخادمة الي ماتعرف لاعربي ولا انجليزي انها اتمشي في هالدورة .. علشان جذيه هالفئة ( الي ماتعرف انجليزي ولا عربي ) تكون مستبعدة .. هذا رأيي .. لأنها إذا ما استوعبت ولافهمت ولا طبقت راح تشتكي راعيتها وتسوي سالفة ..

دانة المزيونة .. تقولين كل يوم طبق ؟؟؟ أنا اقترحت ان كل يوم يكون ثلاث أطباق طبق رئيسي طبق شوربة أو سلطة وطبق حلو .... ايش رايج ؟
مبلغ ألف ريال من كل خادمة مبلغ حلو بس كم الفترة وكم ساعة في اليوم ؟

مرحبا شيفون

والله الفكره مره حلوه وبالتوفيق

فيه كم نقطه

طبعا لازم تحدد مدة الدوره يعني مثلا ثلاث اسابيع او شهر بس لاتخلي المده طويله يعني اتوقع اسبوعين او ثلاث يمكن حلوه

كل خادمه لازم يكون معاها دفتر وقلم حتى لو ماتفهم عربي او انجليزي هذا انا مافهم لا فرنسي ولا انجليزي ومع ذلك اتابع الطبخات بالقنوات الاجنبيه واطبقها واكثر من رائعه

اذا لازم دفتر وقلم ليه ,, لانها راح تعتمد على النظر هي لما تطبق الطبخ قدامهم راح تكون المكونات موجوده كل وحده تكتب المكونات بطريقتها وبلغتها وراح يكتبون حتى طريقه التقطيع

في حال بغت توضح اذا كان اللحم لازم يكون ذائب وليس جامد او السبانخ طازه مش مجمده ممكن توفر الثنتين وتاشر بيدها اننا ما نستخدم هذي نستخدم الثانيه وهم هنا يسجلون

بالنسبه للبهار لازم توفر انواع البهار مطحون وحب على اساس يعرفونه وتتعامل مع المطحون

وبعدين تبدء تعلمهم الطبخه الين تستوي وتذوقهم هي على اساس يعرفون طعمها اشلون غير كذا لازم يكون فيه ساعه في المطبخ على اساس تعلمهم كم المده اللي المفروض انها تجلس الطبخه

افضل انها تخصص اسبوع للاكلات الشعبيه ( اصناف الرز او المرقوق اوالجريش ) تحدد ( اصناف المكرونه ) تحدد ( للمعجنات وهذي يبدعون فيها الخدم اذا اتقنوها )وطبعا لا ننسى السلطات وبعض الحلويات

بالنسبه للوقت طبعا ما حنقد نحدد وقت ليه على حسب الطبخه ما تضمني

غير كذا لازم يكون فيه اتصال بينها وبين صاحبه الخادمه على اساس ان الخادمه تطبق الطبخه اول ما تجي للبيت تكون المدام مجهزه الطلبات وتطلع اشياء عشوائيه معاها على اساس تتاكد هل تعرف الشي اللي مو صح في الاكله وتكون معاها وبكذا تتعلم الخادمه بشكل صحيح

بالنسبه لعدد الخادمات اتوقع العدد مو مهم اذا كانو خمسه والا عشره والا 15 لاتنسين كنا نتعلم في المدرسه وعددنا اربعين وفي حصه وحده وطاولة طعام واحد ونفهم ونطبق هي تشوف طاولة الطعام تاخذ اكبر مقاس على اساس تعلمهم المكونات والكل يكون ماخذ مكانه صح ممكن انها تحط كم مجموعه مثلا ثلاث مجموعات على الطاوله وترقم كل شي مثل الطماطم واحد على اساس لو رفعت واحد ورفعت الطماطم اللي قريب من المجموعه الثانيه يشوفها على الطاوله قريبه وهذا تفيد البهارات اكثر على اساس تقدر تكتب الوصف

وغير كذا اقول بالتوفيق

ادري طولت ترى ما ينعطالي وجه بس والله حلوه الفكره

احب ادلي بدلوي هههههههههههههه

بالتوفيق

اذا من السعوديه وفتحت مشروعها عطيني رقمها