استفسار من التاجرات عن طرق شحن المواقع الصينيه..

السلام عليكم

عندي استفسار واتمنى من التاجرات الي يتعاملون مع المواقع الصينيع يفيدوني

انا ببدا تجارة بسيطة باذن الله عن طريق النت والانستقرام قريبا توصل طلبيتي باقيلها اسبوع ممكن

انا ماعرف كيف التاجرات يطلبون من المواقع الصينيه
لقيت وسيط طلب كل الطلبيه واخذ عموله بحدود 300 ريال

بدات براس مال معقول بحدود 3600 ريال قلت بالبدايه ابدا بشي بسيط وطلبت اكواب وعلب وحافظات شغلات زي كذا

بعد الطلب وشراء الاغراض اعطاني الوسيط كذا عرض للشحن
اما عن فدكس وكان المبلغ 6000 وشويه وانصدمت صراحه ضعف مبلغ البضاعه
او عن طريق البريد الصيني وقيمته 4000 ريال
او عن طريق ارامكس 3350 ريال لكن ارامكس احتمال يصادرون نص البضاعه لانه لايقبلون البضاعه المقلدة وبعدت عنهم لانه خفت
وقال ممكن عن طريق البحر بحدود 2000 ريال لكن تاخذ المدة من شهر ونص الى شهرين وحسيتها كثيرة

توكلت على الله واخترت البريد الجوي الصيني 4000 ريال اضمن وتوصلني مباشرة على بريدي


ياليت تقولولي ايش افضل الحلول

وهل لو افتح حساب بريد صيني في ارامكس نفس الشي مايقبلون يدخلون البضائع المقلدة

وايش الاجرائات الي لازم اتبعها عشان لاتتعرض بضاعتي للخطر الجمارك
انا عندي سجل تجاري استخدمة لغرض ثاني كيف طريقة تسجيل البضائع لازم اجراء معين بالسجل التجاري

الله يرزقها ويوسع رزقها الي تفرجها علي وتفيدني باللي تعرف انا مبتدئه وعارفه انه التجارة بدايتها اخطاء واولها سعر الشحن الي صدمني بس اكيد مع الاستمرار راح اصلح الاخطاء واتمكن من الشغله باذن الله

والف شكر لكم مقدما