رفحححاويه :

شوفي اختي ابي اقولك وش صار معي انا وشغالتي الاثيوبيه علشان تستفيدي وما تسوي مثلي جتك السالفه يالله افتحي اذنك وعقلك بسم الله نبدأاول ماجت شغالتي قبل ثلاث شهور بعديومين من وصولها طلبت تكلم اهلها اخذت جوال زوجي لانه فاتوره ودقيت لها وهذا الخطأ الفادح اللي ارتكبته بعدين اقولك ليه المهم في اخر رمضان يعني بعد شهر من الكالمه الاولى ما طلبت هي بس رحمتها وخليتها تكلم هذي المكالمه الثانيه لها ومن بعد المكالمه ثاني يوم الا وحده تدق من رقم سعودي على جوال زوجي تتقن العربيه بعض الشيء تقول انا اختها ابي اكلمها وانا اطبخ الفطور الا زوجي جايب الجوال يقول اختها تبيها والله حنا شعب طيب نصدق على طول اخذت الجوال وصرفتها شكيت لان الجوال سعودي وهي جديده متى طلع لها قرايب وصارت تدق وما نردعليها بعدها صارت ثلاث ارقام سعوديه تزعجنا ومرة واحد من الارقام يدق وهو يفتحه ولدي يقول يمه يبون الشغاله طبعا نرفزت واخذت الجوال قلت من معي قال اخو يبي كلم اخت قلت من وين كلم قال اثيوبيا قلت طيب ليه رقم سعودي تلخبط وقال هاه هاه كلم من انترنت طبعا مبين يكذب المهم قفلت الجوال وصارت الارقام تدق بشكل ماهو طبيعي ليل مع نهار بالاضافه لرقم شغالتي حق اهلها ازعجنا ازعاج المهم جوال زوجي مايقدر يلغيه ولا يقدر يسكره لان كل اهله وخوياه والناس تعرفه قررنا هالخطه :اذا دقوا عليه يرد ويقول منهو انا مايعرف هذا رقم غلط كذا مره لحد ماشكو ان الرقم غلط بعدين قالهم زوجي انا شريت الرقم جديد خلاص هذا كفيل غير الرقم خف الازعاج نجي للزبده :راح زوجي وطلع شريحة موبايلي جديده بثلاثين ريال ودقينا لها منها وفهمتها ان الرقم هذا هوا رقم جديد وهذاك القديم كنسلناه يعني لا يدقون عليه وبعد ماتخلص على طول احط الجوال على اغلاق على طول وارفعه بالدرج لما يجي موعد المكالمه الجايه افتحه وادق لها وارتحنا وانصحك فيها وبقوه طبعا الشريحه حطيها بأي جوال قديم اوكشاف بالاسواق يباع بسبعين ريال ماعليه طولت عليك وشرحت لك بالتفصيل الممل

شوفي اختي ابي اقولك وش صار معي انا وشغالتي الاثيوبيه علشان تستفيدي وما تسوي مثلي جتك السالفه...