استفسار يا بنات😓

السلام عليكم ..
يا بنات انا بيت اهلي جايه زياره من زمان ما شفتهم وقلت بقعد لانه امي حبيبتي ما هانت علي من كثر ما تترجاني اقعد اقل شي سبوع لاني متزوجه فبلد ثاني ومن 3 شهور ما زرتهم لظروف صارتلي فقلت لريلي اني بقعد اسبوع مع اهلي قالي ماشي المهم قبل كم يوم رسلي انه بيسافر قلتله بنروح مع بعض وكذا لانه ما سافرنا مع بعض من زمان قالي لا بنسافر بعد ما اجي من هالسفره لانه ساير ويا ربعي واولاد خالي لتايلند هو اول مره يروح لهالبلد وانا تضايقت كثير كثير و واثقه فيه جدا بس ما اثق بربعه 😥 قلتله مو راضيه تروح جلس يترجاني وكذا وعصبت وقلتله روح وع طول قص تذاكر انا ندمت اني قلتله يروح 😭😭😭 طلعت كذا لاني لما اعصب اقول كلام ما اقصده قلتله لا تروح وكذا وتهاوشنا ادري اني كبرت الموضوع وانه الي يبي الحرام بيحصله سواء سافر او جلس مكانه بس بعدين هدت الامور بينا وستودعته الله وادعي بعد كل صلاه الله يحفظه من الحرام وبيقعد اسبوع تقريبا ليوم هو سافر وبيرد الجمعه ان شاء الله بس مو قادره م التفكير ذبحني واتعوذ من بليس واحاول الهي نفسي بس عشان ما افكر ومفكره اغير نفسي 180 دررجه ابيه ما يعرفني لانه بيكون سبوعين ما شايفني ريحوني بكلمه احس كل شوي انقهر وكيف اخليه يحن لي ؟