استفسار .......يا بنات الشارقة ؟؟

أنا مو من الشارقة لكن بقدر أنصحك بالألوان الحلوة

هناك التقليدي وهو الأبيض الموشح بالرمادي - وهناك الوردي والبيج وهو أحلى شي للأرضية وهناك طبعا كتير ألوان وأحلى ما تعملي الأرضية سادة ممكن تعملي أشكال هندسية حلوة بألوان من الرخام

وفي رخام أملس وفي رخام خشن نسبيا

هذه مجموعة صور خذي فكرة

عزيزتي..الان هناك مايسمى البورسلان وهو أفضل من السيراميك وأرخص من الرخام..فهو جيد ويتحمل هذا انا حاطه منه في الصاله ...الالوان اذا عندك أطفال خلي الصاله شوووي غامقه
غرف الظيوووف فاتحه
اذا صالتك صغيره حطي ألوان فاتحه عشان تدو كأنها كبيره لان الوان الفاتحه تكر المكان والغامقه تصغره...أتمنى أكووون أفدتك

أختي Nee Nee
مشكوررره على الرد حبيبتي او فعلا انا حابه اني اسوي اشكال هندسية في الصاله

أختي طوووق الياسمين
مشكوررره على الرد ..... فعلا افدتيني ... بس حبيبتي شو البورسلان الي اشرتي إليه هو نفسه الجرانيت ولا لا ... بعدين حبيبتي انا مو متزوجه .. بس انا من النوع
الي احب انسق البيت مع امي وابوي .....

هلا عزيزتى
الله يكون في عونج
الحمدلله ان من اسبوعين خلصنا من السراميك وحطتنا لين ما راسنا دار

شوفي يا اختي اولا المكان اللي مال السراميك تعرفين جسر اللي يوديج شارع الوحدة
لا تروحين سيدة صوب شارع الوحدة ولكن .... لفي يسار
وهذا الشارع
( يمين + يسار ) كله محلات السراميك
وبتحصلين في اللفات والسكيك بعد محلات يعني
خلي لج يوم تلفين فيه .. وبعدين قرري شو اللي تبينه

لان السيراميك انواع واصحاب المحلات بيصدعون راسج كل واحد يمدح بضاعتة
فيه اسباني - صيني - ايراني -ايطالي -بلجيكي - راس الخيمة
فيه سراميك فيه رخام - جرانيد

انواع كثيرة ..
شوفي يا اختي بالنسبة لنا اخترنا للغرف سراميك اسباني محل اسمة اونده : اسعارة حلوة ومب غالية بالنسبة لبقية المحلات
موقعه ( محل كتكت اللفه اللي بعده بعدين اول لفة على اليسار ) لو تتصلين وتسألين احسن

وحق الصالة والمجلس
اخذنا جرانيد صيني .. حلو وسعرة معقول ..

وانصحج اذا كانت الصالات عندج واسعه اخذي اللون الفاتح لانه اشرح
اما الغامق ممكن لبعض الديكور والزوايا

اتمنى اني افتج يا اختي

حبيبتي كتكوته 2005 يزاج الله خير .. والله انج ما قصرتي .... ان شاء الله بسير او بشوف .....تسلميييين .... :) :)