استفسار ي بنات جدة ضروووري / تم الرد + لايخص القسم

ولدي

بنات اللي تعرف تفيدني رجاءا قبل يوم الأحد

الاختبار يكون في المقر الرئيسي واختبار تحديد مستوى الانجليزي

الكتروني كله بالكمبيوتر وتقريبا 40 سؤال ما بين ليفل 1 وليفل 4

احنا قبل سنتيـن كان في مبنى 8 قسم الطالبات بس ماعرف عن الاولاد

بس المعروف انه في جامعة الملك عبدالعزيز !! وبالتوفيق يارب

شكرا على الافادة
وجزاك الله خير
واذا عندك فكره عن مستوى الطب في فرع شمال جدة ياليت تطمنيني
وإذا مافيه احراج لك أرسلي لي معلومات عن الجامعة حتى لو على الخاص
وأشكرك عيوني على الإفادة

والله بصراحة ماعرف عن الطب =(

انا أدبي

هذي ردود لبعض الطلاب اللي درسو في فرع الشمـال ~


انا ما درست التحضيري هناك..بس انا من دفعة طلاب طب اتسكنوا هناك...بالنسبة للفرع من ناحية المباني مقبولة لاكن مو زي الفرع الرئيسي طبعا..بالنسبة لجو الدراسة يعتمد عليك انت كطالب يعني اذا جاي ناوي جد ودراسة صدقني رح تتفوق سواء كنت بالسليمانية او الشمال..بالفرع هناك صاله ترفيه مش بطاله زي اللي في الرئيسي فيها بلياردوا طاولتين وفرفيرة طاولتين و تنس طاولة برضوا طاولتين ...وفيه مسابقات تجي تقريبا كل شهرين برعاية رد بول مثل wana pana , street football, drift ،مسابة المشي...وغيرها..ان شاء الله هتنبسطوا بالفرع..واي اسئلة انا حاظر

****


لمن درس في شمال جده
الحمد الله درست السنة اللي فاتت هناك وعجبني الوضع وكمان التخصص السنة الجاية

أتمني أن توضح كافة السلبيات والإيجابيات عن الفرع من ناحية السنة التحضيرية وهل لدي الإمكانية من التخصص في الفرع الرئيسي اذا درست التحضيري في الشمال يعني هل يوجد فرق بين طالب التحضيري الشمالي والجنوبي نقرتين لعرض الصورة في صفحة مستقلة

مافي سلبيات بنسبة للمدرسين والمباني و عندنا مكتبة تقدر تشتري منها الملخصات والكتب لا تشيل هم
و سار عندنا مطعمين جديد وقديم وعندنا مسجد و غرف نت وقاعة فيها بلياردو و فرفيرا بس في عيب واحد بس نقرتين لعرض الصورة في صفحة مستقلة اذا كنت تبغى تخفيض سفر آو آي خدمات آخرى لازم تروح الفرع الرئيسي آنا والله بس راجعتهم مرة وحدة بس

ماهي مدة البريكات في التحضيري ؟؟ وأين أقضيها .. يعني هل يوجد مكان مخصص للبريكات غير المطعم والسيارة

البريكات حسب جدولك في آماكن كثير لاتشيل هم

ماهي إنطباعك عن التحضيري بشكل عام في فرع شمال جده ؟ بنسبة لي انا آحسها آحسن من الفرع الرئيسي

شفت أعمال قائمة بعد الجامعة و***** طريق جديد أعتقد أنه يؤدي للجامعة وما قصة ذلك الطريق والأعمال القائمة بجانبه ؟؟
والله مدري بس الطريق فاضي وما يحتاج

هل الإختبارات موحده بين الفرعين ؟؟

نعم

بالنسبة للملخصات والأوراق من أين أحصل عليها من جده ولا من مكتبة بجانب الجامعة ..؟؟

في مكتبة في نفس فرع شمال جدة تلاقي فيها كل حاجة فيها
أخييراً

ماهي السلبية التي يشتكي منها طلاب فرع شمال جده بإستثناء مطعم الفرع ؟؟

بس الخدمات يعني تبغى تخفيض سفر ... المهم لازم تراجع الفرع الرئيسي



طبعا الاشياء الرسمية والمعاملات تكون من الفرع الرئيسي عمادة شؤون الطلاب

وبالتوفيق يارررب ^^