السلام عليكم و رحمة الله و بركاته
كيفكم يا كروشات و يا أمهات و يا بكريات ؟!
:
حبايبي .. عندي سؤال محرج شويتين بس بما إني أعتبركم خواتي و من باب إنه ( لا حياء في الدين ) حبيت أشاوركم بشي ..
أنا حامل بنص الشهر السابع عسى الله يتمم لي و لكم على خير و يرزقنا بالذريه الصالحه المعافاه يارب ..
و بكريه .. و طبعاً زي أغلب البكريات عندي خوف و أسئله كثيره .. و من هذي الأسئله سؤال عن ( الجمـاع :35: ) ! ! !
يعني الحمدلله زوجي مراعيني بهذي المرحله و لا يضغط علي من هالناحيه .. بس أمس جلسنا نسولف أنا و خالتي ( أم زوجي ) و الله يهديها سألتني كم مره يصير بيننا أنا و زوجي ؟! :blink:
طبعا ً هي قبلها قالت أنا بكلمك زي أمك و كوني صريحه معي و مدري وشو و أنا قلت لها أكيد تفضلي .. و بعد ما سألتني و مع الإحراج جاوبتها إن تقريباّ عدد المرات اللي صار فيها جماع بيني و بين زوجي يمكن 4 مرات بس طول فترة حملي .. و طارت عيونها عقب ماسمعت جوابي و قالت حرام عليييييك و مدري وشو .. و أنا والله وجهي انقلب ألوان مو عارفه وش أقول لها .. و قالت أصلاً كذا ولادتك بتتعسر لا سمح الله و مدري ايش .. و كلام كثير ..
المهم .. نادت زوجي و قعدنا احنا الثلاثه و قامت تقول لزوجي انت لك دور كبير في تعسر أو سهولة ولادة زوجتك و و و .. و زوجي ساكت ما قال شي .. و يوم رحنا غرفتنا قال صادقه أمي لازم نكثر من هذا الشي و سكتت أنا طبعاً ما أقدر أقول شي بعد اللي صار .. :06:
و بعد ماحكيت لكم وش صار أبيكم تعرفون وين المشكله ياجماعة الخير .. خالتي الله يصلحها و هي تشرح و تتكلم و تتعمق قالت لزوجي هذي الجمله ( ولا تخاف ترى البيبي بأمان ان شاء الله و انت خذ راحتك يعني لا تحاتي إن بيصير شي للبيبي ! ! ! ) .. طبعاّ زوجي فهمها مثل أغلب مايفهمونها الرجال .. و أنا صراحه خايفه من سالفة خذ راحتك هذي .. يعني خايفه يصير شي للبيبي .. طمنوني لازم ناخذ الحذر أنا وياه وإلا صادقه خالتي و مايصير شي للبيبي ان شاء الله ؟
:
و آخر شي أقوله ياخواتي الغاليات .. سامحوني على جراءة الموضوع شوي بس والله إني غشيمه بهالأمور و متعشمه خير فيكم .. و الله يجزاكم خير :)
راجيـة الجنـه @ragy_algnh_3
عضوة فعالة
يلزم عليك تسجيل الدخول أولًا لكتابة تعليق.
الرررريم
•
شكلكم انتي وزوجك صغاار بلعمر ولا مااتوقع تتجرا امه تحكي لكم كذا وتبي تعلمك انه هاذا الشي طبيعي
وفعلا مايضر ان شاءالله اذا حملك طبيعي ولا فيكي شي
وانصحك اقري كثير وتثقفي بكل شي عشان ماتنحطين بذل المواقف مره ثانيه ولا يقدر احد يتجرا عليك بمواقف محرجه زي كذا
وفعلا مايضر ان شاءالله اذا حملك طبيعي ولا فيكي شي
وانصحك اقري كثير وتثقفي بكل شي عشان ماتنحطين بذل المواقف مره ثانيه ولا يقدر احد يتجرا عليك بمواقف محرجه زي كذا
انا خالتي حكت لي حكايت وحدة كانت بعيدة عن اهلها وسافر زوجها وكانت جارتهم عجوز ويوم عرفت انه زوجها مسافر خوفتها انه لازم مايسفر الى ان يكمل جنينها ومايكمل الا بالشهر التاسع فقالت لها فكرة انها تجيب لها واحد يكملها ولدها الى ان يرجع رجلها ويكملة ومسكينه صدقتها الله يعينا على خالتنا
الصفحة الأخيرة
ثاني شي .. ماشاء الله عليها خالتك جريئئئئئئئه .. المفروض قالتك وانتي قلتي لزوجك .. احراج صراحه ..
المهم .. من هالناحيه عادي مايصير شي للبيبي .. الا اللي تاخذ مثبتات وينزل معاها دم هنا لا لازم الحذر ..
اما اللي طبييعيه لا عادي جداااااااا مايصير شي للبيبي ..
من خبرتي المتواضعه .. والله يسهل عليك يارب