الجزء الثاني ..............,,,,
9. اذا كنتي بالشهور الاولى ترى الفرصه قدامج اتمتعين روحج بلبس البنطلونات والتنورات قبل لا يكبر بطنج يعني لاحقه على الجلابيات والدشاديش كشخي روحج اشوي وحافظي على اناقتج حتى لو صار بطنج كبير وايد .
10.اذا كنتي بتولدين بمستشفى عمومي فبعض الخصوصيه راح اتريحج خلي زوجك يحجز لك غرفة خاصه حتى لو كانت امكانياتكم ما تسمح اهم شئ راحتج .
11. جهزي نفسج من الشهر الخامس ترى تجهيزات البيبي ما تخلص وما عليج من الي يقول لج توا الناس .
12. لا تستعجلين وتأخذين أغراض البيبي ابسرعه حاولي اتقارنين بين الاسعار وبين الجوده في كل المحلات وأسألي المحلات عن أوقات التنزيلات وأنتهزي الفرصه .
13. اذا كان عندك كاميرا فيديو لا تنسين اتصورين كل تفاصيل مراحل تجهيزك للبيبي صوري ملابسه وأغراضه وحلاوة التوزيع كل شئئئئئئئئ.
14. من الجميل انك اتزينين غرفة الولادة الي بالمستشفى مثلا تأخذين لك فراش للسرير مثل فراش البيبي بلون جنسه .... وتودين وياج غطاء لعلبة الكلينس .... وانه سويت مثل التعليقه على باب الغرفة سويتها مثل حبال ومنشور عليه ثياب وكل قطعة مرسوم عليها أحرف والجمله كانت it`s a boy .هذا غير عن البالونات ....عاد انتين وذوقج .
15 .لا تشيلين وياج أغراض ما لها لازم يعني مثل أدوات التجميل والمكياج مجرد أدوات الاستحمام وكريم مرطب للوجه وثياب قليلة وربطات لشعرك وملابس داخليه مريحه .ولا تنسين شاحن لهاتفك النقال ..وتأكدي من كاميرا الفيديوا انه بطاريتها مشحونه والشريط يكفي لتسجيل الحدث.. بس أقل الاغراض خذيها وياج لان زوجك واهلك راح ايكون جنبك وأي شئ تبينه بيكونون عالخط وياج .
16. على فكره امي يوم سوت لي دارسين مغلي وشربته واهي تقرأ علي سورة مريم زاد علي الطلق وحتى كيس الماي أنشق وبعد ساعتين ولدت .
17. اذا صادج ترجيع " قيئ" في الشهور الاولى من الحمل لا تخافين ترى راح ايخف ويزول عنج في نهاية الاشهر لان نفسيتي كانت تعبانه منه واتوقعت انه ما راح ايهدني بس الحمد لله خف عني .
18 . على طول اخذي حبوب الحديد والفتامينات وخليها في كل درج في بيتكم حتى اذا فتحتي اي درج تذكرينها واتشربينها مع عصير برتقال .
19. احرصي على انج تتواصلين مع الامهات الي حولج خالاتج عماتج امج عشان تستفيدين من خبراتهم ويواسونج وترتاحين لما اتحسين انج مو بس الوحيده اللي صادتش مشاكل بالحمل .
20. ترى في النصف الثاني من الحمل راح اتصيدج حرارة وحموضه بالمعده خذي من الصيدلية دواء أبيض راح ينفعج والحليب الأبيض البارد بعد زين وإذا كنتي ما اتحبينه حطي وياه شربت ورد ايحسن نكهته ... بس لا تأكلين أطعمه حاره وفيها دهون وتعشي من وقت وخليها أشياء خفيفه .
يتبع ...................وها ما شوف احد متابع ويايي .............؟؟؟؟؟
الصفحة الأخيرة
ان شاء الله راح انزلها لكم اذا تبون ....
الله يقومك بالسلامة ويرزقك بالذرية الصالحه ...
يا هلا وسهلا فيك ....